Tro Hë Epuni a Fenes?

Hna majemine hnene la itre xa ka cainöje trootro troa nyipune la huliwa i angatre ngöne la hawa hnei angatr hna sipu mekun, maine jë e midi. Ame pena itre xan, tro angatr a amekötine la hawa ne fenesi angatr thenge la itre hnepe jole ka eje thei angatr. Ngo tune kaa fe epun, tro kö epuni a fenes, pine laka kola fenesi hnei itre xan, maine hnene laka hetre hawa kö ne fenesi ne la itretre cainöje ngöne la götrane hnei epuni hna mele ngön? Hapeu, ijije kö tro epuni a nango aqeane hmaca kö la itre hawa i epuni hnene la troa cainöje ngöne la itre gaa tru atr, tune e cahu gojeny? Ijije kö tro epuni a wange hmaca la casi maine lue atr ngöne la gojenyi ne bëeke koi hnalapa? Pane mekune jë la thangane ka loi e öhne jë epuni la ca ka ajane troa drei epun, maine tro pena la ketre atr hnei epuni hna ixelë memin a kapa la cas maine nyimu zonal! Qa ngöne laka, tha hne së kö hna canga fenes, nge hne së hna aqeane la huliwa së koi itre xa menetr, haawe, celë hi aqane tro së lai a atrune catrëne hmaca kö la “huje ne atrunyi Akötesie.”—Heb. 13:15.