Aqane Troa Maca Ngöne La Hna Cainöj—Aqane Troa Sa Kowe La Ketre Atr Ka Wesitr

Enyipiewekën: Nyimutre la itre atr hne së hna cainöje kow ka drei së hnyawa. Ngo ase hë perofetan hnei Iesu ka hape, tro kö itre xan a xele ma wai së. (Ioane 17:14) Celë hi matre tha sesëkötre kö së la kola wesitr koi së hnene la ketre atr. Ngo e wesitre jë angatr, loi e tro pala hi së a sa hnyawa ke easë hi lai a amadrinë Iehova, nge easë lo a troa nyitrengewekë i Nyidrë. (Roma. 12:17-21; 1 Pet. 3:15) Ketre, aqane tro hi së lai a ujë matre tha tro kö a catrehnine la iwesitrë. Tro pë hë a hetre thangane la aqane ujë së kowe la atr me kowe la itre ka öhnyi së, ene pe tro fe hë angatr elanyi a hmala troa drenge la kola cainöje hmaca koi angatr hnene la ketre Atre Anyipici Iehova.—2 Kor. 6:3.

Aqane Troa Kuca:

Tha tro kö a canga wesitr, ngo troa thiina ka loi wanga ngazo catre jë. The canga mekune kö ka hape, kola wesitre koi epun hnene la atr. (Ate. cai 7:9) Maine jë angeic a wesitre pine laka tru la itre jole i angeic, maine pena ngazo la ijine traqa i epun. Nge maine wesitre ju hë angeic pine la maca hnei epun hna tro fë, ngo kola mama e itre xa ijin, ka hape hetre itre xa ewekë kö ka ajolë angeic.—2 Kor. 4:4.
Loi e troa sa amenyiken. (Ite edomë. 15:1) E traqa ju epuni ahlë angeic maine thepe ithanata pena? Eje hi lai laka, tha tro kö sa qeje menu pine la huliwa së, ngo tro pe sa qeje menu pine laka ngazo la ijine traqa së. Hapeu, angeic a wesitr pine laka hetre hnei angeic hna drei gojenyine la kola qaja angazonyi së? Maine troa traqa tune lai koi epun, qaja jë ka hape: “Eni a trotrohnine Ia kepine matre epuni a wesitr koi ni. Ngo ame la hnei epuni hna drenge göi hun, tha ka nyipici kö. Ma ka loi e tro ni a pane qeje pengöne koi epun.” Tune kaa, e tha kapa ju angeic la ketre ini hne së hna hamën, maine göi upetröneë maine göi madra? Ijije hi tro epun a qaja ka hape: “Trotrohnine hi ni, ke caasi hi la mekuna i epun memine la itre xan. Eni a ajane troa pane amamane koi epun la hna qaja hnei Tusi Hmitrötr göne la ini cili.”
Maine ka elëhni menu pala ha la atr, ma ka loi e tro epuni a pane nue angeic, nge the tro pi kö a sa. Maine xele kö angeic matre troa wai angeic hmaca hnene la Itretre Anyipici Iehova, haawe, qaja ju koi angeic ka hape tha tro hmaca kö së a wai angeic.

Tupathe Ju Ngöne La Treu Celë:

Loi e troa elone la itre mekune celë ngöne lo hmi ne la hnepe hlapa.
Thupene la hna tro trije la atr ka elëhni, ithanatane jë memine la sine tronge i epun la aqane sa amenyiken i epun.