Ce Thawa Jë Me Itre Xan La Hnei Eö Hna Inin

Kola akeukawanyi së la easa ini Tusi cas, nge the qaja pala ha la easa ce thawa me itre xan la itre mekun ka sisitria hnei easë hna öhn. Öni Itre Edromë 11:25: “Ame la atre thue imene la itre xan, ke tro fe a hane thue ime i angeic.”

Ame la easa ce thawa me itre xan la itre hne së hna inin, ke tro lai a xatua së troa trotrohnine hnyawane la ini, nge tha tro kö së lai a thëthëhmin. Pine laka, tro la itre mekun ka sisitria hne së hna öhn a xatua itre xan, matre madrine së troa ce thawa me angatr.​—It. Hu. 20:35.

Tupathe jë la: Ame la wiik e thupen, thele jë troa ce thawa me ketre la itre hnei eö hna inin. Maine jë kowe la ketre atre ne la fami eö, maine ketre trejin ne la ekalesia, sine huliwa eö, sine ce ini, ka lapa easenyi eö, maine ketre atr hnei eö hna cainöje kow. Loi e troa hmaloi troa trotrohnin, nge ithanata jë ngöne la sipu aqane ithanata i eö.

Mekune pala kö: Ce thawa jë me itre xan la hnei eö hna inin, matre ithuecatr koi angatr, ngo tha göne kö troa pi mama.​—1 Kor. 8:1.