IWAI HMACA
INI 7
Catre Jë
Trepene meköt: “Angatre pala hi a catre ini, me cainöjëne la maca ka loi.”—It. Hu. 5:42.
Tulu i Paulo
1. Goeëne jë la VIDEO, maine e jë la Itre Huliwa 19:8-10. Nge mekune ju cahu itre hnying:
Nemene la hnei Paulo hna kuca matre tro pala hi angeic a catre cainöj ngacama kola icilekeu?
Uti hë eu, nge aija tro Paulo troa wange hmaca la angetre Efeso?
Ini Nyine Troa Hnehen
2. Qëmekene troa nyiqane ini Tus memine la atr, nyipiewekë troa xomi ijin, me nue trengecatr troa wange hmaca lai atr.
Aqane Troa Nyitipu Paulo
3. Tro thenge jë la aja i angeic. Thele jë troa wange hmaca la atr ngöne la ijin hnei angeic hna ajan, ngacama jole koi eö.
4. Isapui jë me angeic. Hnyingë angeice jë la ijine ka loi koi angeic matre tro hmaca eö a traqa. Nge the triane kö la hna isapui.
5. The nue angeice kö. Maine eö a goeëne ka hape, patre pala hi angeic, nge ka hetre jole i angeice pala hi, the mekune kö ka hape, pëhë aja thei angeic. (1 Kor. 13:4, 7) Ame la easa isine troa wange pala hi la atr, ke tha easë kö lai a aluzi traem.—1 Kor. 9:26.