Xatuane Jë La Itre Ka Xötrei Öhne La Nyipici Troa Cile Catr
1 Hna e ngöne la treu eipereme drai 17, 1992 laka 11,5 milio lao atr ngöne la fene hnengödrai, ka hane sine la ijine Amekunëne la meci Keriso. Kösë lo troa alue nge sine la etrune la itretre cainöje ne la itre Ekalesia asë. Celë hi matre hetre madrine atraqatre koi së troa goeëne la nöjei nöje kola traqa nyimenyime “kowe la wetre i Iehova”! (Mika 4:2) Kola e enehila laka seven milio lao atr ka amamane ka hape angatr’a sine thele la nyipi hmi ngacama tha angatre petre kö a hane nyi hlue i Iehova. Nyipici la hnei Iesu hna qaja ka hape: “Atraqatre la meledrai” celë hi matre loi e tro së a nyipi ewekëne lai! — Mat. 9:37, 38.
2 Nyipi ewekë tro së a ixatuanekeun’e treu Eiperem, la huliwa ne cainöje trootro. Troa hetre ixatua katru kowe la Ekalesia, e tro la itretre cainöje ka majemine me itre pionie a ce huliwa memine la tane la ini tus. Drei la köni hna troa huliwaan 1) troa inine la Tusi Hmitrötre memine la itre ka xötrei hane sine lo cainöje ka ketre pengön, memine la Drai ne Amekunëne ngöne la macatre celë; 2) Troa xatuane la itre hna inine troa aeatrëne lo itre hna amekötine matre ijiji angatre troa cainöje trootro; nge 3) tro së a isa catre huliwa ngöne la troa cainöjëne la Maca ka Loi.
3 Nyipi ewekë catre tro së a kapa la itre ka xötrei traqa troa hane sine la itre icasikeu së me imajemikeu me angatr. Nemene la aqane tro së a xatuane hnyawa la itre tren’aja troa catre inine la Tusi Hmitrötr?
4 Kola e ngöne la nöjei treu la 1 362 lao hna inine e kaledonia, etrune lai ngöne la macatre ne huliwa 1992. Nyipi ewekë tro la atre cainöje a sipone la tane ini tusi troa hane wange la itre hna inine i angeic, matre tro fe la tane ini tusi a hane imajemikeu memine lai itre hna inin (km 6/81 p. 8). Alanyimu la itre hna inine ka lapa traqa troa hane sine la itre icasikeu nge mama hi laka ijiji angatre fe hi troa hane cainöje trootro. Hapeu, hane kö angatre qaja la Tusi Hmitrötre ngöne la nöjei ijine ka ijij? Tuneka, ijiji angatre fe hë troa hane cainöje trootro tune lo itre hna amekötine hnine lo itus Notre ministère, götrane 98 utihë 99? Maine eje hi, ke, qeje pengöne ju koi angatre ka hape, thupene la hna amamai angatr, ke itretre cainöje hë.
5 Catre pi së troa hamë ixatua ngöne la Ekalesia së. (Heb. 10:24, 25) Maine kola kucakuca la ketre ngöne la huliwa ne cainöje trootro, ke, loi e tro la itre tane ini tusi a thele la itre aqane troa hamë ixatua me trenge catr. Maine tro hi a hane ce tro me angatre troa cainöje trootro, ke celë hi la nyine lai matre hetre madrine i angatre hmaca jë.
6 Nyipi ewekë tro së a ce huliwa, matre tro la treu eipereme a ketre treu atraqatre ngöne la huliwa ne cainöje trootro. Loi e tro fe la tane ini tusi a wange hnyawa la aqane tro angeice a xatuane la itre atrene la ini tusi angeice troa catre cainöjëne la Maca ka Loi. Ketre, loi e troa hnëkëne fe la itre xaa icasikeu ne cainöje trootro. Nyipi ewekë troa wange hnyawa la itre qatr me troa hamë ixatua kowe la itre thöthi ngöne la itre götrane ka eje thei angatr. Loi e tro fe la itre keme me thine a hnëkë hnyawa matre tro asë hi la fami a catre cainöje trootro ngöne la treu eiperem. Nge tro kö Iehova a amanathithi së, e hne së hna nuapexejenyi së troa nyi hlue i Nyidrë ngöne la ketre ijine menue celë.