Lapafë Jë La Mekune Ka Loi
1 Tru la madrine së la easë a e laka, kola elë palahi la etrune la itretre cainöje ngöne la itre nöje ka nyimutre! Easë fe a trotrohnine la itre jole hnene la itretre cainöje trootro ne la Baselaia hna öhne ngöne la itre xaa götran, tune la ixele ma wai, maine tha inyipi, maine icilekeu pena me easë ngöne la huliwa ne cainöje trootro. Nemene la aqane tro së a lapafë la mekune ka loi, e troa hetrenyi la itre thina cili ngöne la götrane së? Nemene la aqane tro së a hnëkëne matre tha tro kö la itre mekune ka ngazo a ethetrije la madrine së, maine ananazijëne la aja së troa inine la itre atr?
2 Tro la aqane ujë ka loi a xatua së troa atreine hmek. Ngacama hetre itre jole ka traqa kowe la mele së, ngo ame pe, tha tro kö a musi kowe la mele së hnene la itre mekune ka menu. Ase hë Iesu amamane la tulu ka loi koi së. Xalaithe hi la itre atr ka kapa la ini qa thei nyidrë. Alanyimu la itre ka icilekeu memine la ini qa thei nyidrë. Hnei nyidrëti hna ixelë memine la itre iathixötrë kola tupathe catrëne la xomihni nyidrë. Hnene la itre hene ne hmi hna jelengazone la huliwa i nyidrë, me thelejëne troa humuthi nyidrë. Hna hnyijuëne la xajawa i nyidrë, me xe nyidrë, me hnyimasai nyidrë, me thaucë nyidrë, nge hna humuthi nyidrë. Ame pe, ke, hetre madrine i nyidrë qa ngöne la huliwa i nyidrë. Pine nemen? Nyidrëti a wangatrehmekune la enyipiewekëne la troa kuca la aja i Akötresie, nge tha nyidrëti kö a mekune troa nuetrije ej.—Ioane 4:34; 13:17; Heb. 12:2.
3 Wange Kö La Sipu Mekune i Epuni Ngöne La Huliwa Ne Cainöje Trootro: Nyimutre la itre ewekë nyine tro së a mekune göi troa aeatrëne lai. Mekune ju laka hetre maca the së hna thatre hnene la itre atr ka kösau, nge hnei angatre hna cile kow. (Mat. 13:14, 15) Ngacama hna thinge me wathebo ange aposetolo troa inine ngöne la ëje i Iesu, ame pe, hnei angatre palahi hna nyipici ngöne la hnëqa i angatre troa cainöje trootro, celëhi matre kola kökötre trootro palahi la hna menu. (Ite Huliwa 5:28, 29; 6:7) Canga atre hi së laka ame ngöne la itre xaa götran, ke, xalaithe hi la itre atr ka dreng. (Mat. 7:14) Celëhi matre, tru la madrine së e tro la alacasi a drenge hnyawaane la maca ka loi ngöne la götrane së. Loi e troa mekune ka hape ame ngöne la ketre ijin, ijije fe kowe lo itre ka icilekeu troa hane drenge la maca ka loi. (Ezek. 33:8) Ame la itre xaa ka icilekeu, ke, ujë fe hë angatr, itre hlue i Iehova fe hë enehila. E ka maca hnyawa la aqane wai mekune së, ke, ijije troa tingetinge la hni së qa ngöne la huliwa së, ngacama xalaithe hi la ka dreng. Ame la easë a traqa fë la maca ne Baselaia i Akötresie ngöne la itre hnalapa i angatr, ke, kolo fe lai a anyipicin.—Ezek. 2:4, 5.
4 Hetrenyi la nyipi kepine matre sisitria la troa loi palahi la mekune së. Hnene la aqane tro loi ne la huliwa ne cainöje trootro e cailo fen, memine la kola mama hnyawa laka calemi hë la akötre atraqatr, hna upi së catre troa kuca la hne së hna atreine matre troa nyihlue i Akötresie cememine la thina ka ijiji nyidrë. (2 Pet. 3:11, 14) Hawe, tro la emanane la huliwa së e treu Ogas a amamane ka hape, nyipici hne së hna kapa madrine lo itre hne së hna inin. Aja së mina fe tro la itre ka hnyipi lö a amamane la aja i angatre troa trongëne la itre hnei angatre hë hna inin. Maine loi la aqane trongëne hnene la itre hnei epuni hna ini Tusi Hmitrötre memin, nge mama fe hë la aja i angatre troa nyiqaane hane cainöj, hawe, Ogas la treu ka sisitria koi angatre troa xeji huliwa.
5 Ceitune hi la atr ka cainöj, memine la ka pionie. Ame pe, tro asë hi së a kapa la ixatua e tro së a amë hnyawa ngöne la mekune së laka ame la hnei Iehova hna sipone koi së isa alacas, ke, tha ehnefe ka hace kö. (1 Ioane 5:3) Hnei Nyidrëti hna thingehnaeane troa xatua së. (Heb. 13:5b, 6) Ngacama hnene la itre atr hna tha drei së, me xele ma wai së, me cile kowe la huliwa së, ngo loi pe tro palahi a loi la aqane wai mekune së, matre tha tro kö së a cile troa cainöje trootro pine laka, aja i Akötresie la pane huliwa së.—1 Tim. 2:3, 4.