Pane Thelejë Nyipunie La Baselaia i Akötresie—Tro Palahi a Hamëne La Huje Ne Atrunyi Akötresie
1 Ame la itre ka pane thele la Baselaia, ke, angatre palahi a thupëne la nöjei ijine matre troa qejepengöi Iehova, me troa ithahnataane la Baselaia i nyidrë. (Sal. 145:11-13) E nöjei drai, tro palahi a hetre itre ijine troa atrune la atresiwa i nyidrë, me ithahnataane la maca ka loi. (Sal. 96:2) Ketre madrine atraqatre kowe la atre cinyihane ka hape: “Eëhuni a atrunyi Akötresie o drai.” (Sal. 44:8) E caasi hi la mekune së, ke, troa hetre aja së troa sine lapaane la huliwa ne Baselaia.
2 Tha hnei Iehova kö hna athipe la etrune la itre hawa hne së hna troa kuca ngöne la huliwa ne cainöje trootro, ngo nyidrëti a upi së matre tro “palahi” së a atrunyi nyidrë.” (Heb. 13:15) Maine ijij, ke, loi e tro së a axeciëne la etrune la hawa nyine troa aeatrëne e nöjei wiik, ngöne la troa atrunyi Iehova. Ame la itre ka trongëne hë, ke, ijije fe tro angatr’a kuca matre tro fe angatr’a hane xome la huliwa ne pionie ka ixatua e itre xaa treu, maine e nöjei treu pena. Ame itre ka öhnyi madrine qa ngöne la hna pionie ka ixatua, ke, ijije troa axeciëne troa hane xome la huliwa ne pionie lapa. E kola ajane troa ithahnataane la huliwa së hnene la itre qatre thup, ke, loi e tro së a kapa, me isa wange hnyawaane matre troa hane pionie.
3 Nyipici, maine tha ceitu kö la aqane mele së, ngo hapeu, ijiji së kö troa aelëne la etrune la itre huje ne atrunyi Akötresie? Maine hne së hna kapa madrin, nyipici troa hetre trenge catre së troa trongën. Troa kapa madrine hnene la nöjei ka inine la wesi ula i Akötresie. Tro la itre icasikeu ne la ekalesia a upi së troa amamane la madrine së ngöne la itre götrane jë së. Tro la itre trejine hne së hna majemi kow, me itre ka catre atrunyi Akötresie, a ‘aciane the së la ite huliwa ka loi.’ (Heb. 10:24) E hne së hna kapa madrine la itre xeni qa ngöne la ekalesia, ke, ijije tro së a aelëne la itre huje ne atrunyi Akötresie.
4 Hnei Ana, ketre föe perofeta hna amamai tulu ka loi göne la huliwa i Iehova. Ngacama, 84 hë lao macatre i eahlo, “tha hane kö pate ngöne la ēnē, nge nyidoti a nyi hlue e jidi me lai.” (Luka 2:37) Atraqatre la madrine i eahlo troa sine la nöjei huliwa ne la ekalesia cememine la hni ka pexej. Tusi Hmitrötr’a qejepengöne la itre huliwa i eahlo, memine la lapaune i eahlo, kola thuecatre lai koi së.
5 Hnei Paulo hna ithuecatre kowe la itre atre catre troa “xatuane la itre ka kucakuca me tha ’tein.” (Rom. 15:1) Ma hetre itre xaa trejine ngöne la ekalesia ka aja ixatua, me ka aja ithuecatre qa thei epun. Ma aja i angatre hi la tro së a könë angatre troa ce cainöje trootro. Ma kola aja ka hetre lotone hnene la ketre atre cainöj, maine kola aja ketre atr troa ce cainöje trootro memin. Ame koi ketre ka nango nanazij, ke, ma epuni jë hi la nyin göi troa hamëne la ixatua ka ijije matre troa aelëne hmaca la aja ne lai atr kowe la huliwa ne la baselaia. (1 Thes. 5:14) Ame la aja i epuni troa “thue ewekëne la ite ka hmitöte lo ka pë ewekë,” ke, kola amamane la aliene la hni epun, ene la kola ajane troa catre atrune la atresiwa i Iehova.—Rom. 12:13.
6 Thatreine kö së troa e asë la itre ewekë hnei Iehova ha hna kuca, memine la itre hnei nyidrëti hna troa kuca koi së. Thatreine kö së troa të koi nyidrëti la itre manathithi celë. Itre kepine la ka amamane hnyawa koi së laka ijije troa ‘atrunyi Iehova hnene la nöjei ka mano asëjëihë’!—Sal. 150:6.