Tro Palahi Së a Atrunyi Iehova
1 Hetre itre götrane ngöne la mele së nyine tro palahi së a aeatren. Ene la easë a xen, me mano, me meköl. Itre götrane lai ka hetre göhnene ngöne la mele së matre troa egöcatre palahi la ngönetrei së. Hnei Paulo aposetolo hna aceitunëne la troa cainöjëne la maca ka loi, memine la itre ewekë hne së hna wange e caha hun, ngöne la nyidrëti a ithuecatre ka hape: “Tro sha hamëne pala hi la huje ne atrunyi Akötresie.” (Heb. 13:15) Celëhi matre, loi e troa tru koi së la aqane troa atrunyi Iehova. Ketre ewekë lai nyine tro së a tupathe troa kuca ngöne la nöjei drai, ene la troa atrune palahi la Tretretro e hnengödrai.
2 Ame ngöne la kola tupathe hnene la itre xaa atr troa atriane la mekune i Iesu, jëne la itre xaa ewekë ka tha ihmeku kö memine la aja i Akötresie, ke, kola sa hnei nyidrëti ka hape: “Qange troa cainöjëne la maca ka loi ne la baselaia i Akötesie.” (Luka 4:43) Am’asë hi la nöjei ewekë hnei Nyidrëti hna kuca ngöne la köni macatre nge sin ne cainöje Nyidrë, ke, itre nyine tro palahi a atrunyi Akötresie. Easë mina fe a atre laka hnei Paulo hna hane mekune tuun, nge kola mama jëne la aqane ithahnata i nyidrë ngöne 1 Korinito 9:16: “Ekölö hi ni, e tha cainöjëne kö ni la maca ka loi!” Hna hamë ixatua palahi kowe la itre xaa keresiano ka lapaune matre tro angatr’a hnëkë troa cilëgöline la mejiune i angatre qëmekene la itre xan. (1 Pet. 3:15) Ame enehila, ke, hna e la itre hadredre thauzane lao pionie, nge itre millio palahi la itretre cainöje ngöne la itre ekalesia ka catre xötrethenge la itre tulu ka loi celë.
3 E maine tro së a mekune hnyawa la mele i Iesu, la tulu së, memine la aqane huliwa i Nyidrë ngöne la hni ka pexej, ke, tro ha hetrenyi the së la ajane troa xötrethenge hnyawa la itre thupaca i Nyidrë. (1 Pet. 2:21) Ame itre xaa ijin, ke, easë a kucakuca ngöne la easë a cile qëmeke kowe la itre ejolene la mel. Tro së a thelejëne tuneka la aqane tro së a atrunyi Iehova, maine ka huliwa së ngöne la drai ka pexeje koi maseta? Nyipici, thatreine kö së troa nue pe la itre hnëqa së göne la fami, ngacama itr’ej’a xome la traeme së. Alanyimu catre la itre thöthi ka ini, nge tru catre la huliwa i angatr. Ma tro itre xan’a mekune ka hape, tha ijiji angatre kö troa atrunyi Iehova, e nöjei ijin. Ame itre xan, ke, isa ca treu ne tha cainöjëne kö angatre la maca ka loi.
4 Ieremia la ketre atr ka cile hnö ekö troa qaja la maca ka loi. Ame la angeic’a kucakuca troa qaja la ëje i Iehova, ke, angeic’a drenge e kuhu hni angeice kösë ketre eë, nge thatreine kö angeice troa xomihnin. (Iere. 20:9) Qëmekene la itre iangazo ka tru ka mama, hnei Ieremia palahi hna öhne la aqane troa qaja la maca i Iehova kowe la itre xan. Hapeu, ijiji së kö troa xötrethenge la tulu i angeic, ene laka, hnei angeice palahi hna catr, me thele la nöjei ijine ka ijije troa atrune la Atre Xupi së o drai?
5 Ame la troa qeje Iehova, ke, tha ene hmekujekö la troa cainöje memine la itre trejine ngöne la drai hna sa hnene la ekalesia, maine tro pena a kuca hmekuje la itre teritoare hna amekötine kowe la ekalesia. Ame la aja së, ke, ene la tro la ketre atr a drei së. Easë a ixelë memine la itre atr e nöjei drai—angatr’a bëeke kowe la itre hnalapa i angatr, easë a ce huliwa me angatr thei maseta, easë a ce itreqe ngöne keesi hnine la magazë, maine pena easë a ce xomi kar me angatr. Easë lai a ibozu me angatre ngöne la itre ijine cili, nge thelejëne jë troa amejëne la itre mekune ka ketr la hni angatr, maine itre mekune ka troa nyijëne la porotrik. Nyimutre la itre ka öhne laka, tru catre la thangane hnei angatre hna kapa qa ngöne la aqane cainöje celë. E tru la itre ijine së troa qaja la maca ka loi koi itre xan, ke, thatreine kö tro së a nue la ca treu, nge tha hna cainöjëne kö la Baselaia.
6 Tha tro pi kö së a nue la hnëqa së, ene la troa atrunyi Iehova. Tune la hna amamane hnene la atr cinyihane la tusi salamo, tro la nöjei ewekë ka mano a atrunyi Iehova, nge easë fe a ajane troa hane atrunyi Nyidrë. (Sal. 150:6) E hnene la hni së hna upi së tro palahi a kuca tuun, ke, tro së a nyipiewekëne la nöjei ijine troa qeje Iehova memine la Wesiula i Nyidrë.