Ketre Porogarame Ne Asabele Ne Ca Drai Ka Ketre Pengön
1 Pine nemene matre nyipi ewekë tro së a catre cainöjëne la maca ka loi? Nemene la itre hna amekötine thatraqane la atr ka ajane troa hane cainöjëne la maca ka loi? Nemene la aqane tro la ketre atr ka “lapa thaup” a sipu mekune troa cainöjëne la maca ka loi kowe la itre xan? Troa sa la itre hnyinge celë, me itre xane ju kö hne së hna mekune kow, ngöne la porogarame ne asabele ne ca drai ka ketre pengön, nge hna troa nyiqaane e treu semitrepa, nge ame la taan’ek, ke, hna hape “Troa atreine matre troa itretre cainöjëne la maca ka loi.”—Ce wange ju me 2 Korinito 3:5.
2 Pine laka, easë la itre hlue i Iehova, loi e tro së a thupëne la itre aqane ujë së. Nyipici laka, ketre ixatua la troa hane qaja koi së hnene la itre thöthi la aqane cile catre angatre kowe la itre xaa jole katru. Loi e tro la itre keme me thine a hamëne ngöne la ihnimi la ixatua ka ijiji kowe la itre neköi angatr, matre tro angatre fe a hane itretre nyihluei Iehova. Hetre ixatua ka ijije hna hamëne koi së isa alacasi göi troa wangatrune la enyipiewekëne la troa cainöj, me itre manathithi ka nyimutre hne së hna kapa, me kowe fe la itre ka drei së.—1 Tim. 4:16.
3 Ejehi laka, ketre ewekë ka sisitria la ijine xome la bapataiso. Ngo qëmekene lai ewekë cili, troa hamëne la ketre cainöje hna nyitrepene hnei Tusi Hmitrötr, thatraqane la itre ka hnyipi nu’apexejene la mele i angatr. Hawe, loi e tro asë hi la itre ka troa sine la asabele a hane drenge hnyawa fe la cainöje ne bapataiso matre tro angatr’a hane trotrohnine hnyawa la alien’ej. Ame la itre ka ajane troa hane xomi bapataiso ngöne la drai ne asabele ka ketre pengön, ke, canga thuemacane ju la atre thupe perezida, matre hetre ijine troa ce wange memine la itre qatre thup, lo itre hnyinge hna athipe göi itre ka ajane troa bapataiso.
4 Ame la ketre götrane ka sisitria, ke, ene la cainöje ka tru hna troa cile fë hnene la ketre qatre thupe hna troa iën. Ame la taan, ke, hna hape “Troa atrein, me eamo tune la itretre nyihluei Akötresie.” Foa lao götrane ka tru hna troa ithahnataan, nge ka troa xatua së me hnëkë së, matre itretre atreine cainöje hnyawa, ketre mina tro fe a qaja ngöne lai cainöje la itre ewekë hna melëne ka acatrene la lapaune së hna troa qaja ngöne lai cainöj.
5 Hnëkë jë enehila matre troa hane sin’asë la porogarame ka pexej. The thëthëhmine kö la itre atr nyine troa könën, ene la itre ka ajan, me itre hnainin, matre ijije tro angatr’a hane kepe thangane la drai cili ne ini qa thei Akötresie. Qa ngöne lai, tro ha mama koi së laka itre ka “atreine hnyawa së” tune la itretre cainöjëne la maca ka loi.