Porogarame Ka Hnyipixe Ne La Asabele Ka Ketre Pengöne Ka Caa Drain

Hna nyiqane xötrei kuca ngöne la macatre 1987, la asabele ka ketre pengöne ka caa drain. Kola mama hnyawa laka, hetre ixatua catre hna kapa hnene la itretre nyihluei Iehova, memine la itre xaa atr ju kö ka traqa troa hane sine lai itre asabele ne caa drai cili. Kolo ha troa nyiqaane amamane e semitrepa 1998, la porogarame ka hnyipixe ne la asabele ka ketre pengöne ka caa drain. Hetre manathithi hna troa kapa ngöne la götrane la ua, qa ngöne la naene lao cainöje hna troa cile fë, me itre hnyinge me itre ewekë hnene la itre trejine a kola troa hane ce ithawakeune memine la icasikeu.

“Loi e troa metrötrëne la xeni hna hamëne hnei Iehova”, celë hi la taan la porogarame ka hnyipixe. (Is. 65:14; 1 Kor. 10:21) Kola troa acatrene la aja ka tru the së, ene la troa nyipi ewekëne la hmi i Iehova ngöne la nöjei götrane la mele së. (Sal. 27:4) Troa kuca ngöne la ijine asabele hnene la qatre thup, atre thupëne la sirkoskripsio, la cainöje hna hape, “Loi e troa wange hnyawa la itre aliene la itre hni së” ngöne la easë a sine la itre icasikeu. Tro la qatre thupe hna könëne kowe la ijine asabele, a amamane koi së la aqane troa “Cile catre ngöne la lapaun, jëne la xeni hna hamëne hnei Iehova.” Kolo fe a troa hamëne kowe la itre thöthi hnine la organizasio i Iehova, la itre mekune ka lolo nyine troa xatua angatre troa catre troa nyihluei Akötresie. Ame la taan la cainöje kii ne la qatre thupe ka iwai, ke, hna hape “Hna acatrene la lapaun, matre troa catre anyipicin;” kola troa amamane la aqane hamëne jëne la ekalesia, la itre ewekë hna hnëkëne nyine troa nyi jiane huliwa së ngöne la easë thele troa cainöjëne hnyawa la maca ne Baselaia. Drei la ka xele ma hane kapa la itre manathithi jëne la porogarame cili?

Ame koi itre hnainine ka mekune troa hane xome la bapataiso, loi e tro angatre a canga thuemacane la atre thupe perezida. Easë a mejiune laka, ame ngöne la nyiqaane la hnaatruelofene macatre ne caa drai ne asabele, tro ha atraqatre catre la ithuecatre hna kapa hnene la itre atr ngöne la götrane la ua, nge tro ha hetrenyi thei angatre la ajane troa catre trofë pala hi la maca ka loi.