Porogarame Ka Hnyipixe Ne La Asabele Ka Ketre Pengöne Ka Caa Drain
1 Tro la porogarame ka hnyipixe ne la asabele ka ketre pengöne ka caa draine a nyiqaane e semitrepa, nge hna nyitrepene eje ngöne la taan, hna hape “Troa ini angate asë hnei Akötesie.” (Ioane 6:45) Tro la ini qa thei Iehova, a xatua së hnyawa troa hetrenyi la mele ka loi. Eje a eköthe the së la madrine memine la ajane ka tru kowe la itre ewekë ne ua. Tro fe hë a hane metrötrë së e celë fen, e hne së hna catre xatuane la itre xane troa drenge la maca ka loi. Tro la asabele celë ne caa drai, a amamane atrune la itre manathithi hna melëne hnene la itre atr hna inine hnei Iehova.
2 Tro la porogarame a amamane la itre thangane ka loi qa ngöne la ini qa thei Akötresie, nge ame ngöne ketre götrane, ke, troa amamane fe la itre ethanyine la ini ne la fen. Tro ha mama hnyawa koi së la aqane hamëne i Iehova la ini ka sisitria—ini hna eköthe hune la Wesiula i Nyidrë, ene la Tusi Hmitrötr. Troa qaja atrune la köni götrane la hmi hne së hna öhnyi loi me madrine qa ngön hnene laka easë a kapa jëne itre eje la ini qa thei Iehova. Ketre, kola troa xatuane la itre thöthi troa nyitipune la itre tulu ka tru ne la Tusi Hmitrötr, tui Davita, me Timoteo, nge troa eköthe fe la mele i angatre hune la itre huliwa ne ua. Tro fe a acatrene la lapaune së ngöne laka, kola qaja atrune la aqane cile catre me mele nyipici la itre qatr. Tro fe a bapataisone la itre ka hnyipi sa xepu koi Iehova, nge ka ijije hë. Loi e tro angatre a canga thuemacane la atre thupe perezida, la aja hnei angatre hna lapa fë, qëmekene la ijine la asabele ne caa drai.
3 Ame la cainöje kii ne la asabele ka ketre pengöne ka caa drain, ke, hna eköthe eje hune la taane hna hape, “Iehova a inine matre “Hna ini angatre hnei Iehova troa kuca la aja i Nyidrë.” Tro eje a amamane hnyawa la enyipiewekëne tro pala hi së asë a ini, matre thaa tro jë pi kö a enijëne la lapaune së, nge tro fe së a kökötre pala hi ngöne la ua. Kola troa xatua së fe troa nyitipu Iehova, ene la troa inine koi itre xane la nyipici, pine laka eje a troa eatrongë angatre kowe la mele ka thaa ase palua kö. Loi e tro fe a hane qaja la itre hna melëne ka hamë ithuecatre matre troa amamane la aqane xatuane hnene la itre itusi Sasaiatri la itre atr, matre hane jë fe angatre kapa la ini qa thei Iehova. Troa qaja atrune la itre thangane ka loi ne la nöjei porogarame ne ini, hna hnëkëne hnei Iehova.
4 Loi e troa hnëkë hnyawa, matre ijije troa sine hnyawa la itre porogaram. Xatuane asë jë la nöjei atr ka ajane troa traqa ngöne la ijine cili. Nyiqaane mekune jë hë la itre ewekë ka loi ka nyimutre, hnei epuni hna troa kapa qa thene la atr ini së, ka draië.—Is. 30:20.