Caa Drai Ne Asabele Ka Hnyipixe Ka Ketre Pengön

Ame la taan la asabele ne caa drai hna troa nyiqaane e semitrepa 2000, ke hna hape, “Hni Ne Nyipi Ate Pi Ngöne La Mekun.” (1 Kor. 14:20) Pine nemene matre nyipi ewekë koi së troa hane sin? Easë a mele ngöne la fene ka tiqa hnei ngazo. Maine easë a ajane troa cile catr, loi e tro së a akökötrene la trotrohnine së ngöne la ua, matre troa apone la ngazo me kuca pe la loi. Celë hi ixatua lai hne së hna troa kapa qa ngöne la asabele.

Kola troa nyiqaane hnene la cainöje ne la atre thupëne la sirkoskripsio, hna hape, “Ixatua Matre Troa Nyipi Atr Ngöne La Trotrohnine Ne La Tusi Hmitrötr.” Nyidrëti a troa amamane koi së itre keresiano la aqane troa cile huti ngöne la lapaun. Troa amamane hnyawa hnene la ka cainöje ka iwai, la aqane troa xome enehila, me trongëne la itre trepene meköti qa hnine la Tusi Hmitrötr, me troa atreine waiewekë hnyawa; troa ithahnatane lai ngöne la taan, hna hape, “Inine Jë Troa Atreine Waiewekë Matre Troa Thupëne La Mele Së Ngöne la Götrane la Ua.”

Loi e tro fe a hane inine hnene la itre thöth, troa akökötrene la trotrohnine i angatre ngöne la ua. Troa ithahnatane lai ngöne la cainöje hna hape, “Pine Nemene Matre Ngazo e Tro Pala Pe Hi a Medrenge Ngöne La Mekun” me “Itre Thöthi Ka Hetrenyi La Trotrohnine Enehila.” Drenge jë la itre thöthi ka qaja la aqane kuca angatre matre troa acatrene la lapaune i angatr, ene pe angatre a atreine troa xomihnine la ajane troa kuca la itre mekuna ne la fen, me neëne la itre jol.

Nemene la aqane tro sa hetrenyi la sipu manathith ngöne la mele së? Tro la ka cainöje ka iwai a sa la hnyinge celë ngöne la cainöje ne nyipun, hna hape “Hetre Manathithi Hna Kapa Qa Ngöne La Hna Melëne Cememine La Trotrohnin, La Itre Trepene Meköti Ne La Tusi Hmitrötr.” Tro nyidrë a hamëne la itre ceitun ka amamane ka hape, maine tro së a trongëne la Wesi Ula i Akötresie, haawe, atreine hi tro sa cile kowe la itre jol, me axeciëne hnyawa la itre mekune së, me kepe thangane ka loi qa ngöne la ini hna hamëne hnei Iehova.

Loi e troa canga thuemacane la qatre thupe perezida hnene la itre ka mekune troa bapataiso. Nyi hatrene ju ngöne la idrai së la drai hna sa troa asabele, nge hnëkë hnyawa jë matre troa kepe thangane hnyawa la ini hna troa hamëne ngön. The triane pi kö la ketre götrane la caa drai ne asabele ka ketre pengön! Eje a troa xatua së troa xomihnine la fene celë ka ngazo, me acatrene hnyawa la lapaune së koi Iehova.