Porogaram Ka Hnyipixe Ne La Asabele Ka Ketre Pengön Ka Caa Drain
Hna nyitrepen la taane ne la porogaram ne la asabele ka ketre pengön ka caa drain, hune la ketre mekene tus hna hape: “Denge thenge Akötesieti ju.—Thipe tiji diabolo pi.” (Iako. 4:7) Celë hi eamo la ka sisitria, nyine troa trongën ngöne la itre hneijin celë ka tru ejolen! Easa icilekeu me Satana, la easa xötrethenge la itre wathebo i Akötresie. Tro la porogaram a ini së la aqan troa cile huti qëmeken la itre hnö hna hnëkën hnei Diabolo nyine troa thapa la lapaune së. Nemen la itre xaa trenga mo hne së hna troa kapa ngöne lai asabele cili?
Tro la atre thupën la sirkoskripsio a amaman la aqan tro la “Idrengethenge Akötresie Hnene La Itre Atrene La Fami” a hamë trenge catr ne la itre fami troa cile kowe la itre itupath ne la fen. Tro la ka cainöj ka iwai a cile fë la pane cainöj ne la drai, hna hape, “Nemen La Alien La Hna Hape, Troa Thipe Triji Diabolo,” nge tro ej a qaja la enyipi ewekëne koi së la troa isa catr xomi hnëqan matre atrein tro sa cile kowe la itre aja i Satana troa angazon la mele së ngöne la ua. Lue götran hna amë thatraqan la itre thöth, laka, nyipi ewekë tro angatr a hmekën la itre aja i Satana. Nyimutre la itre keresiano ka thupëtresiji hë enehila, hnei angatr hna thipe trij la itre aja ne fen ekö ngöne la angatr a thöth. Easa madrin ngöne la easa dreng, la itre hna isa sipu melën hnei angatr.
Hna thele thene la nöjei atr, troa drenge thenge la mus. Haawe, troa amaman hnyawa hnene la ka cainöj ka iwai la foa lao götran hne së hna troa melën, ngöne la aqan drenge thenge Akötresie: (1) kowe la itre mus, (2) hnine la ekalesia, (3) ngöne la itre huliwa i maseta, me (4) e hnine la fami. Drei la eloin la porogaram hna troa kapa qa ngön!
Loi e troa canga thuemacan la qatre thup perezida hnene la itre ka mekun troa bapataiso, ngöne la drai ne asabele ka ketre pengön. Loi e tro së asë a nyi hatren ngöne la idrai së, la drai hna sa troa asabele, me hnëkë hnyawa matre troa sin apexejen la porogaram ne asabele. Tro sa kapa la itre manathith ka pë pun, e hne së hna ketre sipu drenge thenge Iehova epine palua.