Pë Hë Hneimeke i Epuni Hnene La Itre Huliwa, Nyipici Kö?
1 Ame la ithuecatre hna hamëne koi së hnei Paulo ke, ene la troa ‘catre huliwa i Joxu pala hi.’ (1 Kor. 15:58) Loi e tro pala hi së a catre troa isa inine la Tusi Hmitrötr, me cainöje trotro odrai, me nyipi ewekëne la itre icasikeu, nge tro fe së a eatrëne hnyawa pala hi la itre hnëqa së hnine ekalesia. Ketre mina fe, nyipi ewekë tro së a xatuane la itre xaa trejine me easë ka aja ixatua. Ame itre xaa ijine easë a nango kucakuca pine laka tru hnei jole së, ene pe thele jëne ju së troa una acone la ehnefe së.
2 Hetrenyi la itre götrane ne la mele së nyine tro së a waipengöne hnyawa cememine la inamacan, matre ijije tro së a nue maine ahmaloeëne pena la itre ewekë hne së hna lapa majemine kuca. Kola mekune hnei itre xane ka hape tru pala ha la itre ewekë hna upi angatre troa kuca. Ngo eje hi laka, ame la angetre huliwa pë wangatrehmekun, ke, tro ha traqa koi angatre la itre ejolene la mel, ene la troa angazone la itre mekune me mel, matre kösë pë hë lo itre ka mele menu.
3 Troa Huliwa Cememine La Wangatrehmekun: Troa hetrenyi the së la wangatrehmekun, e hne së hna trongëne la eamo hna hamëne hnei Paulo, ene la troa “tupathe la nöjei ewekë ka isa pengöne kö.” (Fil. 1:10) Kola hape, tro së a kuca panëne me wangatrune la itre ewekë ka nyipi ewekë catr, nge qanyi traeme pë hë tra amekötine ka hape iji easë kö troa aeatrëne la munën. Nyipici laka ka sisitria la itre hnëqa ngöne la fami hune la nöjei ewekë asë. Hetrenyi la itre hnëqa nyine troa aeatrëne ngöne la götrane ne la ngönetrei. Ngo, ame la hnei Iesu hna ini së, ene la itre pane ewekë nyine tro së a kuca, ke, eje e hune la trepene mekune, la troa pane thele la Baselaia. Loi e tro së a pane kuca la itre ewekë ka troa thuejë së troa eatrëne la hne së hna sa xepu koi Iehova.—Mata. 5:3; 6:33.
4 Maine tro së a lapa mekune hnyawa la itre ewekë hne së hna wange hë, ke, troa xecie koi së laka tro hë së a ahmaloeëne la porogarame qa ngöne la itre ehacen, ene la troa nango xometrije acone la itre nyine amadrinën, me alöne la traeme hna tro agö me itre sine ce elo. Ame la easë a kuca la porogarame së ngöne la wiik, ke, loi e tro së a ami ijine troa isa ini tus, me troa cainöje trootro, me troa sine la nöjei icasikeu asë, me catre kuca fe la itre huliwa i hmi. Ame göi munëne traeme pe, ke, loi e troa amë kowe la itre xaa huliwa së, ngo eje hi laka, loi e tro itre eje a xatua së troa aeatrëne la pane aja ne la nöjei keresiano ka hetrenyi la wangatrehmekun, ene la troa amë panëne la Baselaia.
5 Nge maine ka hape easë hë a xötrethenge la itre mekune hne së hna wange hë, nge easë a drenge laka, hace pala hi la ehnefe së, nyipi ewekë tro së a kapa la hnei Iesu hna könë së kow: “Trohemi koi ni, nyipunieti asë ange ka huliwa me hace, nge tro ni a amanonyi nyipunie.” (Mata. 11:28) Ketre, mejiune jë së koi Iehova ke, Nyidrëti la ka “ajöne la ehnefe shë” (NW) me hamëne kowe la atr ka kucakuca la trenge catre ka ijij. Nyidrëti a thingehnaeane laka thaa tro jë kö Nyidrë a nue troa kei la ka meköt. (Sal. 55:22; 68:19; Isa. 40:29) Atreine së troa mejiune laka, tro hë a sa la itre thithi së, me aijijë së troa catre huliwa i Akötresie ngöne la mele së.
6 Maine hne së hna catre ngöne la itre huliwa ne la Baselaia, atreine tro së a madrine ke, atre hnyawa hi së laka thaa gufa kö la hne së hna catre huliwa thenge la hna ajane hnene la Joxu.—1 Kor. 15:58.