Itre Ahnahna Kowe La Sasaiatri Nyine Akökötrene La Huliwa Ne Cainöje e Cailo Fene Hnengödrai
Tune la hna perofetane hë ngöne Isaia 54:2, 3, kolo pala hi a kökötre me jilapane la fene hnene la hmi i Iehova ka pë ethan. Eje fe ngöne la itre nöje ka nyimutre ne Afirik, me itre hnapeti gaa easeny. Ngöne la trene lao macatre ka ase hë, ke, hna nue fe hë la huliwa ne cainöje ngöne la itre nöje tune e Agola, Ekoatorial Gina, Ethiopia, Kamerun, Madagasika, Mozabik, me Togo. Ngöne la itre nöje cili, me ngöne la itre xaa nöje ju kö gaa macajë hë e troa menu, itre mesinare ne Gileada, me itre trejine ka hane sine hë la Ini Thatraqane La Cainöj, me itre atrene la fami ne Bethela, me itre xaa atr ju kö hna upe troa cainöje ngöne la itre götrane hna ami angatre ngön.—Mata. 9:37, 38.
Ame ngöne ketre götran, ke, itre hadredre lao uma ne Baselaia hna hnyipi xup, pine laka kola elë trootro la etrune la itre nyipi hlue ngöne la organizasio i Iehova. Qa ngöne lai, ketre nyipi ewekë fe hë troa hnëkëne la itre uma ne Asabele, maine troa atrune pena la itre batima ne filiale. Thaa Afirik hmekuje kö la gaa aja mani göi troa xupi uma, me troa thupëne pala hi la huliwa ne Baselaia, ngo ngöne fe la itre xaa götrane la fen, nge ame la itre jiane huliwa cili, ke, ka xulu itre eje qa ngöne la itre ahnahna hna hamëne thatraqne la huliwa i Sasaiatri e cailo fen.
Tro la itre iatr memine la itre ithuemacanyi ka eje ngöne la sine trongene la Huliwa ne Baselaia celë, a xatua epuni troa trotrohnine la etrune la itre huliwa hna kuca hnei Sasaiatri thatraqane la huliwa ne cainöje e Afirik. Ame la ka mama, ke, ene la itre uma hna xup, a kolo pala hi a kökötr, nge easenyi hmaca fe hë matre xupe jë la itre xan.
Maine tro epuni a goeëne la huliwa hna kuca ngöne la hna cainöje trootro e celë fen, hnine la Annuaire 1996, ke, tro epuni a öhne la ketre iatr ka mingöminge ne la huliwa hna kuca hnene la itretre cainöje ngöne la itre nöje cili. Kola elë trootro la etrune la itretre cainöje ngöne la itre nöje ka nyimutre, nge kolo fe a mama laka, tru pala kö hnei ka troa lö elanyi pine laka, tru catre kö hnei atr ka sine la drai ne amekunëne la meci i Iesu, ene lo Memorial. Maine easë a lapa mekune la hna kuca ngöne la huliwa ne cainöje trootro, memine la huliwa ne ini ne la Tusi Hmitrötre ngöne la itre xaa nöj, ke, eje hi laka tro fe hë a cia the së la mekune ka hape, ketre hnëqa ka tru la troa hamëne la itre trengamo së matre hane fe së sajuëne la nyipi hmi. Hanawange la itre huliwa hna kuca ngöne la itre nöj.—Luka 16:9; 1 Tim. 6:18.
[Iatr ne la götran ]
Uma ne Baselaia e KwaZulu-Natal, ngöne la götrane ailojë ne Afirik, hna xupe ngöne la 9 hi lao drai
[Iatr ne la götran ]
Uma ne Baselaia e Nizeria, a itre pano hna icanekeun.
[Iatr ne la götran ]
Uma ne Asabele e Mozabik a 1 500 lao göhnë, hna troa afenesine ngöne la pune macatre 1996
[Iatr ne la götran ]
Troa nyiqaane lapane la filial me itre hnë kuci itus ngöne la macatre 1996
[Iatr ne la götran ]
Filiale ne Siera Leone, hna mekune troa afenesine ngöne lo ijine qeu hnë hlapa
[Iatr ne la götran ]
Ase hë kuca la uma ne Asabele e Mauritius, uma hna he hune hi, nge troa afenesine la itre hnë kuci itus ngöne la ijine cia koko e macatre 1997
[Iatr ne la götran ]
Kola xupe la filial e Zimbabwe
[Iatr ne la götran ]
Hna kuca la uma ne Asabele hna he hune hi, nge kola xupe la ketre filiale ka hnyipixe e Senegal
[Iatr ne la götran ]
Ketre filial ka hnyipixe hna kuca e Kenya, ngöne la traone ka tru, ene Nairobi
[Iatr ne la götran ]
Easenyi hë matre fenesi pi hë la filiale ne Madagasikar
[Iatr ne la götran ]
Kola mekune troa kuca la ketre filial e Malawi