Nyipi Ewekë Fe Troa Hane Qaja La Maca Ka Loi Kowe La Itretre Lapa Easenyi Së
1 Aja i Akötresieti tro la “nöjei ate asëjëihë a mele me wangate hmekune la nyipici.” (1 Tim. 2:4) Ame la kola hape, “nöjei ate asëjëihë,” ke, kolo fe lai a hane qaja la itretre lapa easenyi së. Maine easë a ajane tro angatre a hane kapa la maca ka loi, haawe, nyipi ewekë tro së a hnëkëne la itre aqane tro së a nyiqane ithahnata ka nyimutre, me thele hnyawa la itre mekune hna pi troa isa ithahnatane hnene la itre atr hne së hna troa iöhnyi memin. (1 Kor. 9:19-23) Hna hamëne hnene la organizasio i Iehova la itre jiane huliwa, nyine xatua së troa ketr la hni ne la itre atr “hna hnëkëne kowe la mele ka tha ase palua kö.” (Ite Huliwa 13:48) Tro sa ce wange la aqane tro së a xome e treu julai me ogas, la itre boroshüre ka isa pengön, me hamëne itre eje hmekune la itre hna ajane ngöne la götrane la ua, hnene la itre atr ka lapa easenyi së.
2 Tro Fë Jë La Itre Boroshür: Hane cahu itre mekune ka lolo nyine troa xatua epuni troa tro fë hnyawa la itre xaa boroshür. Isa hetrenyi ngöne la itre mekune cili la (1) ketre hnyinge nyine amejëne la aja ne la itre atr troa nyiqaane ithahnata, (2) ketre mekune ka troa köjane la itre tane la itre mekene tusi e hnine la boroshür, me (3) ketre xötre ne la Tusi Hmitrötr ka ijij, nyine troa e ngöne la ijine kola ithahnata. Qanyi epuni pë hë troa thele la nyine tro epuni a qaja, matre troa sisedrëne lai, me sa thenge la mekune hna hamëne hnene la atr. Atreine hi tro epuni a xome la itre xaa aqane nyiqane ithahnata, thatraqane la itre xaa boroshür, a hna hamëne ngöne la Huliwa ne Baselaia hnapan.
Dieu se soucie-t-il vraiment de nous?
Nemene la mejiune ka ijij, nyine troa xatuane la itre atr hna qanangazon?—Götrane 27-8, paragarafe 23-7; Is. 65:17, 18; km 7/97 g. 4.
Quel est le but de la vie—Comment le découvrir?
Pine nemene matre gufa la madrine ngöne la mele ne la itre atr enehila?—Götrane 29-30, paragarafe 2, 25-6; Sal. 145:16; km 7/96 g. 4.
E Meci Hë La Atr Hne Së Hna Hnim.
Hane kö epuni thele la aqane troa akeukawane la ketre atr ka paatre sinen, hna thapa hnei mec?—Götrane 26, paragarafe 2-5; Ioane 5:28, 29; km 7/97 g. 4.
Doit-on croire à la Trinité?
Hapeu, nyipi ewekë kö kowe la mele së elany, e tro së a atrehmekune la nyipi haze?—Götrane 3, paragarafe 3, 7-8; Ioane 17:3.
3 Itre Xaa Boroshür: Ame ngöne la sinecetrone la Huliwa ne Baselaia ne treu febuare 1998, eje e hnine la itre xaa itusi hna amaman, lo itre xaa boroshüre hna hnëkëne hnyawa matre nyine troa tro fë ngöne la hna cainöje kowe la itre Budis, me itre Hindu, me itretre Iudra, me itre Mizilima. Maine ijij, hamëne ju itre eje kowe la itre atr hne së iöhnyi memin. Wange hmaca ju la itre ixatua hna hamëne ngöne la sinecetrone la Huliwa ne Baselaia, götrane 4-6, me hnine la itus, Comment Raisonner, götrane 21-4, nge xome jë la itre hnepe aqane nyiqane ithahnata, ka troa ahlëne la aja ne la itre atr cili.
4 Hna hnëkëne fe la ketre boroshüre matre troa xatuane la itre atr ka inamacan, ngo thatrepengöne hnyawa kö la Tusi Hmitrötr. Kola troa hamëne koi angatre hnene la boroshür, la ajane troa hane goeëne la wesi ula i Akötresie. Maine ijij, tro fë jë la boroshüre celë:
Un livre pour tous.
Hapeu, hane fe kö epuni kapa la mekune celë, kola hape, troa hetrenyi la ini ka pexej, jëne la atrehmekune ka eje e hnine la Tusi Hmitrötr?—Götrane 3, paragarafe 1-3 me götrane 30, paragarafe 2; Ate cai. 12:9, 10.
5 Etid Ngöne La Boroshür: Ame la aja së ngöne la easë a xome la huliwa ne cainöj, ke, ene la troa nyiqaane inine la Tusi Hmitrötre kowe la itre atr; maine ngöne la kola xötrei iöhny, maine pena thupene la hna iwai hmaca. Celë hi matre hna hamëne koi së cahu ketre aqane amamane hnyawa la boroshür, matre troa nyiqaane etid memine la itre atr:
Nemene La Hnei Akötresieti Hna Thele The Së?
Hapeu, atre fe hi epuni laka, atreine hi tro epuni a xome la 30 lao menetre ngöne la wiik, a 16 lao wiik, matre troa eköthe la trotrohnine i epuni ngöne la Tusi Hmitrötr?—Ini 2, paragarafe 6; 2 Tim. 3:16, 17; km 3/97 p. 4.
6 Ame la Iesu a hamëne la ceitune ngöne lo atre samaria ka lolo, hnei nyidrëti hna amamane hnyawa laka, ame la nyipi sinee së, ke, ene la atr ka ihnim, nge ka xatuane hnyawa la ketre atr ka akötr. (Luka 10:27-37) Kola akötre la itre atr ka lapa easenyi së, ngöne la götrane la ua. Nyipi ewekë tro angatre a hane drenge la maca ka loi. Haawe, loi e tro së a xome la hnëqa së, ene la troa hane tro fë la maca cili koi angatr; easë hi lai a amamane hnyawa ka hape, itretre drei Iesu Keriso së, ka huliwa cememine la hni ka menyik.—Mat. 24:14; Gal. 5:14.