Huliwaane Jë La Itre Boroshüre Troa Thele La Itre Atr Ka Hmala Hni
1 Itre ewekë ka sisitria nge ka hetre thangane la itre Boroshüre. Ngöne la 32 lao götran, boroshüre a amë hutine la itre mekene tusi me auligötrane la nöjei mekune me itre ini ka ifekethe memine la atre hmekunyi Akötresie. — 2 Kor. 10:5.
2 Thupene la hnene la ketre thupëtresiji hna e la boroshüre Les Témoins de Jehovah — Unis pour faire la volonté de Dieu par toute la terre, angeic’a cinyihane jë ka hape: “Pëkö organizasio hnenge hna hane öhne ka tune la (...) Mingöminge me madrine troa hane iöhnyi memine la itre atre celë a kola thiina ka metrötre me wangatrune la huliwa i Akötresie, ngacama kola kökötre me tiqa enehila la itre hmi hnei thoi me iaö.” Hnene la ketre gerisöre ne Afirik hna hane inine la Tusi Hmitrötre jëne la boroshüre Epi thatraqai nyipunie la mel ka tha ase palua kö e celë fene hnengödrai! nemene hë la thangane koi angeic? Hnei angeice hna trije lai itre ewekë hna majemine kuca, ketre hnei ageice hna upe la hnaluene föi angeice me cemele pe memine lo hnapan. Thupene lai, hnei nyidro hna cile ngöne mus.
3 Sisitria la boroshüre Doit-on croire à la Trinité? Pine laka, ketre itusi ka pexeje la alien, itre mekune ka inamacan, ketre jiane amamane hnyawa la nyipici. Kola qaja hnene la ketre hmi jëne la ketre zonal The Sunday Gleaner ne Zamaika, götrane ailopi ne India, ka hape: “Ketre itusi lai ka sisitria hna cinyihane hnene la itretre anyipiciin. Enehila, hace kowe la itre ka isi göliine la Tirinite maine ka qaja pena ka hape ame Iesu ke Akötresieti hi Nyidrë. Nyimu kepin hna xome ngöne la isitoare memine la itre ewekë hna atre qa ngöne la hna ini Tusi Hmitrötr, kola amamne hnyawa laka tha qa ngöne Tusi Hmitrötre kö la ini ne la Tirinite (...) Eje hi laka, nyipi jole koi ni ketre atre cinyihan ka hmi, troa wangatrehmekune la aqane tro la ketre ka hmi maine ketre hene hmi pena a thelethoine la itre mekune ka ej thene la itretre anyipiciin, ene laka, tha Akötresie Iehova kö Iesu.”
4 Huliwaane hnyawane jë itr’ej: Troa hetre thangane itr’ej, e hne së hna hamëne kowe la itre atr ka ajane troa e, ke, itre itusi lai ka mingöminge troa goeëne, me ka tru alien. Eje hi laka nyipi ewekë troa xome la nyimu boroshüre ka isa pengön, nge troa hnëkëne la itre taane ka isa pengön, matre troa hamëne kowe la ketre atr la ketre boroshüre hne së hna öhne ka ihmeku me ka ijije kowe lai atr. Ketre troa hmaloi e troa huliwaane hnyawa itr’ej, ngöne la hna cainöje trootro, ngöne hnalapa së, maine ngöne la itre xaa götrane pena, e hne së hna atrepengöne hnyawa la aliene la itre boroshür, me hetrenyi the së la itre xane ka isa pengön.
5 Celë hi matre nemene la boroshüre hnei epuni hna troa ithahnataan, maine epuni a iöhnyi memine la ketre atr ka tha trotrohnine kö la hna ini hnene la itre hmi göi Tirinite, maine ka mekune pena ka hape ame Iesu, ke, Akötresieti hi Nyidrë? Ketre, maine kola hnyingë nyipunie la kepine laka Akötresie lo ka ihnim, a nue la itre akötre utihë enehila, nemene la boroshüre ka ihmeku memine lai mekun? Nge maine ketre atr pena a thele la ketre musi ka atreine troa hamë loi kowe la itre atr’asë, ke, nemene la boroshüre ka ijije troa sa hmekune lai hnyinge cili?
6 Eje hi laka, tha celë caasi kö la troa wangatrehmekune la boroshüre ka ijij, ngo nyipi ewekë fe troa amejëne la aja ne la itre atr, matre tro angatr’a pi hane e la itre itusi cili. Nge maine ijij, ke, iëne jë la ketre mekune ka tha jole kö troa trotrohnin, nge amamane jë ej, maine ketre iatre pena ka troa enijëne la aja i angeice matre hane jë pe e lai itus. Ce e ju pena me angeice la caa paragarafe maine luetre, ce wange ju fe la itre mekene tusi ka ce tro memin, nge ithahnatane jë la ka nyipi ewekë. Celë hi matre alanyimu catre la itre ka nyiqaane ini Tusi Hmitrötre enehila, jëne hi la aqane kuca celë.
7 Eje hi laka, itre boroshüre së a sa la itre hnyinge jëne la itre mekene tus, me hamë mejiune kowe la itretre awe me treije latresi pine la itre ewekë ka sisi asë lo hna kuca e cailo fen (Wangeju la Ezekiela 9:4.). Kola kapa la ithuemacany, ene lo aliene la itre itus, hnene la itre atr hna aceitunëne memine la itre mamoe. Eje ngöne ihnatrapaime së la hnëqa katru, ene la troa huliwaane hnyawa la itre boroshüre ngöne la nöjei götrane ne la huliwa së, matre thele me xatuane la itre ka ajane troa drei së.