Huliwaane Hnyawane Jë Së La Itre Boroshüre e Treu Julai
1 Atraqatre la ihnimi Iehova koi së, cele hi matre hnei Nyidrëti hna hamëne jëne la Organizasio i Nyidrë, la itre itusi ka isa pengön, matre asaqene la huliwa ne cainöje trootro. Ngöne lai itre itusi cili, ke, hetrenyi la itre boroshüre ka nyimutre, nge atreine isa hamëne thenge la itre mekune ka isa pengön, pine laka isa hetre taane ne itr’ej, maine la hnei Akötresie hna thingehnaean kowe la fene hnengödrai, Tirinite, la ëje i Akötresie, Musi Akötresie, maine pena la kepine la Akötresie a nue la ngazo. Nemene la aqane tro së a huliwaane hnyawane la itre boroshüre matre xatuane la itre atr ngöne la nöje së?
2 Kola qeje pengöne mekötine hnene la boroshüre Dieu se soucie-t-il vraiment de nous? ka hape, easenyi hë troa patre la akötr, matre mele madrine ngöne la fene ka hnyipixe . Nemene la aqane tro së a amaman’ej? Wange ju la itre ixatua hna hamëne jëne la itus Comment raisonner fene lo hna cinyihane ka hape “Souffrance” (Akötr) götrane 374, maine pena, ke, xome jë la ketre hna cinyihane götrane 13 kola hape “Injustice/Souffrances.”
3 Epuni pa qaja jë ka hape:
◼ “Hapeu, hane kö epuni hnyinge ka hape: ‘Akötresieti kö a sikusikune la Mele ne la atr ngöne la ngazo memine la akötr?’ ” Nue pi troa sa. Nge e jë la Salamo 72:12-14. Thupene lai, ke, fe jë la boroshüre Dieu se soucie-t-il vraiment de nous? ngöne götrane 22 nge ithahnatane jë lai itre hna cinyihan’atrun 10, ketre tune fe la mekune ngöne la iatr, götrane 23. Maine hna thipëne la boroshür, ke, hnauëne la tha hamëne pena la ca tarak, maine De l’aide pour les déprimés maine pena Une vie paisible dans un monde nouveau?
4 Eje hi laka ngöne la hnedrai së, ke, kola thele hnene la itre atr la ketre baselaia ka lolo. Alanyimu la ka isa hnyingëne ka hape tro kö la musi ne la atr a acaasine la fen. Goeëne ju la ithuemacanyi ne ixatua ngöne la hna cinyihan, kola hape “Gouvernement”, hna nyiqaane ngöne la götrane 172 ne la itus Comment raisonner.
5 Hnyingëne ju ka hape:
◼ “Hapeu, ijije kö tro la itre atr a hamëne elanyi la manathithi jëne la ketre baselaia?” Nue pi troa sa n ge hnyingëne ju ka hape: “Nemene hë la hne së hna öhne enehila göne la mele ne la atr? wange ju la Ieremia 10:23, maine fejë pena ngöne la götrane 172 ne la itus Comment raisonner nge e ju la itre mekene tusi ka ijiji me qeje pengöne itr’ej. Thupene lai, wange jë pena la itre götrane 24 me 25 ngöne la boroshüre “Musi ka troa hamëne hmaca la Paradraiso” nge wang’atrune ju la itre mekene tusi memine la itre iatr. Qaja jë la aqane tro la Baselaia Akötresie elanyi a acasine la nöjei atr’asëjëihë. Maine tha kapa kö hnene la atr la boroshür, ke, hamëne ju pena lo tarak Le monde actuel survivra-t-il?
6 Ketre maine ngöne la götrane i epuni, ke, catrehnine la ihumuthi matre xou atraqatre la itre atr, ke, goeëne ju la aqane nyiqaane celë.
7 Qaja jë ka hape:
◼ “Alanyimu la itre atr ka isa hnyinge ka hape ‘maine nyipici laka, ka ihnimi Akötresie, ke, hnauëne laka Nyidrëti a nue la iakötrë ngöne la fen?’ Hapeu, hane kö epuni mekune tuun?” Nue pi troa sa, nge qaja jë ka hape: “Itre Edromë 19:3 a ixatua troa thupën, wanga aelëhni Akötresie hnene la itre ewekë ka ngazo hna kuca hnene la itre atr.” Thupene la hna e lai mekene tus, ke, ce wange ju la götrane 14 ne la boroshüre “Voici, je fais toutes choses nouvelles” nge e jë la paragarafe 27. Ijije fe troa kuca tune lai ngöne cahu itre xaa paragaraf.
8 Eje hi laka, ijiji së asë hi troa huliwaane la itre boroshür, matre troa inine la itre atr ka hni ipië troa hane atre la Maca ka Loi. Nyipi ewekë tro së a xatuane la nöjei atr’asë ka isa pengön, matre tro angatr’a hane lö kowe la Organizasio i Akötresie. Qangöne lai, hnëqa së la troa tro fë trongëne la Maca ka Loi, hnene la troa huliwaane hnyawane la itre boroshür.