Kola Sa La Itre Hnyinge i Nyipunie

◼ Nemene la itre itusi nyine troa xome ngöne la kola ini tusi kowe la itre atr, qëmekene troa bapataiso?

Qëmekene tro la ketre atr a nue la mele i angeice koi Iehova, me bapataiso, nyipi ewekë troa pane hetrenyi thei angeice la nyipi atrehmekun. (Ioane 17:3) Tro angeice a kapa la ithuemacanyi ka nyipi ewekë, e hna inine la Tusi Hmitrötre jëne la lue jiane huliwa asë, ene la boroshüre Nemene La Hnei Akötresieti Hna Thele The Së? memine la itus, Atrehmekune Ka Eatrongë Nyipunie Kowe La Mele Ka Pë Pun. Ame kowe la ka ala nyimu ke, loi e troa pane ini tusi jëne la boroshüre Thele. Ngo maine hna nyiqaane hë la etid ngöne la itus, Atrehmekune, haawe, loi e troa xome pena e thupene la boroshüre, Thele, e ase hë umuthe lai itus. Pine nemene matre nyipi ewekë troa kuca tune lai?

Kola acaa tro amamane hnene la boroshüre Thele, lo itre ini ka nyitrepene la Tusi Hmitrötr. Maine tro la hnainine a pane inine itre ej, haawe, tro hë angeice a trotrohnine hnyawa la itre nyine tro angeice a kuca matre troa amadrinë Iehova. Nge maine kola troa inine itre eje thupene la hna umuthe la itus, Atrehmekune, haawe, thaa ngazo kö pine laka, atreine hi troa xome la itre ini cili, matre nyine troa ce ithahnatane la itre mekune ka tru ne la itus. Ame ngöne la ketre götrane ke, loi e troa xatuane la hnainine tro angeice a goeëne hnyawa la itre xötre ne la Tusi Hmitrötr, me mekune hnyawa itre eje e kuhu hni angeic. Loi e tro mina fe së a amamane la enyipi ewekëne la itre iatr, pine laka, itre ini lai ka lolo nyine ixatua koi angeic.—Wange ju la zonal, La Tour de Garde ne 15 Januare 1997, götrane 16-17.

Maine ase hë la hnainine umuthe asë lai boroshüre me itus, tro hë angeice a atreine sa asë la nöjei hnyinge asë hnei angeice hna troa ce wange memine la itretre thup, qëmekene troa xome la bapataiso. Nge maine pëkö jol, maine jë thaa nyipi ewekë hmaca kö troa etid me angeice ngöne pena ha la ketre itus; loi pe, tro pala hi lo atr ka xomiujine la etid i angeic, a goeëne hnyawa la aqane kökötre angeice ngöne la ua.—Wange ju la zonal, La Tour de Garde ne 15 Januare 1996, götrane 14, 17.