Wangatrune Jë La Wesi Ula i Iehova e Nöjei Drai!
1 Kola tupathe la lapaune së ngöne la nöjei drai. Maine jë troa unaiele së hnene la itre atrene fen hne së hna atre, troa isa pui me angatr. Kola ajane hnene la atre ini së, tro së a thele loi ngöne la fen, maine maseta së pena a ajane tro së a catre huliwa. Maine jë kola uti ipië trootro la mele së. Ame itre xaa ijin, tru mina fe la itre itupathe hne së hna qëmeke kow, ngo thaa easë caasi kö. Atreine hi tro Iehova a canga hamëne koi së la inamacane hne së hna ajan, matre troa cile kowe itre ej. Ame la ketre aqane tro së a xome pala hi la Wesi Ula i Iehova, ke, ene la troa goeëne la topike ne la drai. Hapeu, easë kö a öhnyi thangane la ewekë cili, hna hnëkëne koi së?
2 Thaa Sihngödri Kö La Ixatua: Kola qeje Iehova ngöne Isaia 30:20 ceitune me ketre [“Atre Ini Ka Tru,” MN] nge kola upi së troa thele ixatua thei Nyidrë. Nyidrëti a hamë së la ixatua ka ijije koi së, matre troa cile kowe la itre jole ka troa tupathe la lapaune së. Troa tune kaa? Kola qaja hnene la xötre 21 ka hape: “Tro la lue hnangenyë i’ö a denge la aqane ewekë hutrö i’ö, kola hape, Dei la gojeny, tro nyipunie a trongën’ej. ” Ame enehila, Iehova a “ithahnata” jëne la Tusi Hmitrötr, me itre itus ne la hlue ka nyipici. (Mat. 24:45) Hetrenyi la inamacane ka tru hna hamëne ekö jëne la itre hna cinyihane hnine la zonal, La Tour de Garde, kola ketr asë la nöjei götrane ne la mele ne la Keresiano. Loi e troa pane wange hmaca la itre xan, hna cinyihane hnine la Examinons les Écritures chaque jour, matre troa xatua së troa eköthe la atrehmekune së, ka nyipi ewekë catre e ijine kola traqa la nöjei pengöne itupath.—Is. 48:17.
3 Ami Ijine Ju Thatraqane Lai: Ngacama tru catre hnei jole i nyidro, hnene pala hi la ketre thine hna thele troa e me ce ithahnatane la topike ne la drai memine la nekö i eahlo trahmany, ngöne la nyëne a iji tri hmakany. celë hi itre trenge ewekë tixenuë memine la thithi hnei nyëne hna drenge ngöne la nöjei hmakany, qëmekene troa tro troa ini. Itre eje a acatrene la lapaune i nyëne troa cile kowe la itre ka sipone troa kuci ngazo, me troa thipëne la ihuline la itre ka pi isi göli nöj, me troa catre cainöje kowe la itre hnainine me itre ka hamë ini. Ngacama angeice hmekuje hi la Temoë ngöne la uma ne ini, ngo thaa drenge kö nyëne ka hape, nyëne caas.
4 Thele Iehova jë nge xome jë la Wesi Ula i Nyidrë matre troa eatrongë së. Maine tro së a kuca tune lai, tro hë nyidrëti a mama koi së, ceitune me ketre enehmu hna mejiune kow. Thili jë koi Nyidrë o drai! Easë a caasi memine la itre atr e cailo fen, itre milio la etrun, easë a goeëne ngöne la nöjei drai la Wesi Ula i Akötresie; epi mama koi së laka, “troa öhne hnene la lue meke së la [“Atre Ini Ka Tru,” MN].”