Epuni Kö a Kepe Eloine Qa Ngöne La Topik Ne La Drai?

Epuni kö a e la xötr ne la Tusi Hmitrötr memine la itre mekune ka eje ngöne la Topik Ne La Drai e nöjei drai? Ketre hna majemine lai ka troa easenyi epuni koi Iehova. Maine tha celë kö hnei epun hna majemine kuca, huliwane jë la götrane cili. Alanyim la itre ka e la topik e sine hmakany. Nge, angatre pë hë a lapa mekune ej, ngöne la angatre a kuca la itre jole i angatr. (Ios. 1:8; Sal. 119:97) Nemene la aqane tro epuni a kepe thangane qa ngöne la topik ne la drai? E jë la itre xötre ka tro pa me ka tro pi, matre trotrohnine la aliene ej. Nge, thele jë la ketre hna melëne e hnine la Tusi Hmitrötr, ka trongëne la trepene meköt ka mama ngöne la topik. Thupene lai, trongëne jë la trepene meköt ngöne la mele i epun. Maine tro epuni a axecië mekun thenge la Trengewekë i Akötresie, tro hë eje lai a eatrongë epun, nge troa hetre eloine koi epun.—Sal 119:105.

Hnene la itre ka lapa e Bethela e cailo fen hna majemine e la Topik Ne La Drai ngöne la ijine iji kofi e nöjei hmakany. Qaane lo itre macatre ka ase hë, hna amë la itre mekune hna ce ithanatan ngöne JW Broadcasting^® ngöne la götrane hna hape, POROGARAM ME HNA MELËN. Eue lo ijine epuni a goeëne la topik ne la drai ngöne JW Broadcasting^®? Maine jë kola traqa la video ngöne la nyipi ijin. Nemene la aqane tro la tulu i Lota a xatua epuni troa axecië mekun?

GOEËNE JË LA VIDEO THE HNIME KÖ LA FEN (1 IOANE 2:15), THUPENE LAI SA JË CAHU ITRE HNYING:

• Nemene la trepene meköt ka nyitrepene la Hmi Ne Hmakany ne la drai?

• Nemene la ini hne së hna xome qa ngöne la tulu i Lota göne la troa hnim la fen maine itre ewekë ne la fen?—Gen. 13:12; 14:12; 19:3, 12, 13, 24-26

• Nemene la aqane troa amamane laka, easa hnimi Iehova, ngo tha fene kö maine itre ewekë ne ej?