Eiperem—Hneijine Ne Troa Catre Kuca La Itre Huliwa Ka Loi!
1 Nyipi ewekë catre kowe la itre atr tro angatre a canga atre laka, calemi hë la ketre janacas. Ame hë la eje a easenyi catr, ketre kolo mina fe a ithuemacanyine atrune la itre nyine tro angatre a hmekëne hnyawa. Pine nemen? Pine laka, emele i angatre hi lai itre ithuemacany! Hetrenyi la itre atr ka thaa hane kö drenge lo itre pane ithuemacany. Ame itre xane ke, drenge hë angatr, ngo kolo hi a lapa thaup. Ceitune hi lai, memine la maca ka sisitria catre hnei Akötresie hna upi së troa canga tro fë, qëmekene tro la “udeli” ne la elëhni ka meköti Akötresie a ufe apaatrene la nöjei thupaca ne fene ka ngazo celë. (Ite edomë 10:25) Emele ne hi la itre atr enehila, la angatre a drenge la Akötresie a hmekë angatr! Loi e troa mexeme la ithuemacanyi cili e cailo fen. Qa ngöne lai, nyipi ewekë tro sa “cate kowe la nöjei huliwa ka loi.”—Tito 2:11-14.
2 Nyimutre hë lao macatre nge sin enehila, hna ajane pala hi hnene la nöje i Iehova troa xome la hneijine ne atrune la Drai ne Amekunën, matre troa pane catre cainöjëne la maca ka loi. Ame ngöne lo macatre 1939, hna hamëne la ithuecatre ngöne la ketre zonal, hna hape, Informateur, laka kola hëne pë hë enehila ka hape, Huliwa Ne Baselaia, kola hape: “Pine laka, kola traqa la hneijine cia koko nge lolo la drai, haawe, loi e tro la itre ka cainöje a alua elëne la itre hawa i angatr, ketre tui itre pionie mina fe. Faifi lao mecixeni me sabathi ngöne la treu eiperem . . . itre ijine ka loi troa pane cainöj.” Ketre mekune lai hna eköthe hë kowe la itre trejin, 60 hë lao macatre enehila! Ame ngöne la macatre celë tune lo 1939, ke ame la treu eiperem, ke faifi lao mecixeni me sabath. Nemene la hne së hna mekune troa kuca ngöne la treu celë? Nemene la hne së hna cinyihane hnine la calendrier thatraqai eiperem 2000? Hnëkë jë matre troa hetre wene ne la itre huliwa ka loi hna troa ce kuca memine la itre hlue i Iehova ngöne la treu celë ka ketre pengöne kö, ka troa anyimenyimëne la huliwa ne cainöj.
3 Ewekë Hne Së Hna Ajane Troa Kuca: Eje ngöne la treu celë, lo drai ka nyipi ewekë catre ne la macatre 2000. Kola troa atrune la ijine meci Iesu, e 19 eiperem. Loi e tro së a pane thele troa hëne la itre atr ka ala nyimu troa hane sine la Drai ne Amekunën. Tune lo hna ahnithe koi së lo treu hnapan, loi e tro së a cinyihane la ëjene la itre atr asë hne së hna könën, nge troa wange hmaca wanga troa thëthëhmine la ketre e angatr. Ame la itre hna hëne cili, ke kolo itretre cainöje ka thaa tro fë hmaca kö la maca ka loi, itre hnainin, itre hna wange hmaca, itre ka etid hë ekö, itre sine huliwa së, itre sine ini së, itre ka lapa easenyi së, itre sinee së, me itre xaa hne së hna atre ju kö. Hapeu, hetre gojenyine asë kö la itre ka mekune troa hane traqa? Maine pëkö, tune kaa matre xatua angatre fe hne së? Hnëqa së asë hi troa kapa hnyawa la itre atr ka traqa troa sine la Drai ne Amekunën. Nyipi ewekë tro fe së a hamë ixatua ngöne la götrane la ua, thupene la Drai ne Amekunën, kowe la itre hna hëne ka hetre hni ne ajane troa atre la nyipici.
4 Maine tro së a “cate kuca la ite huliwa ka loi” ngöne la itre drai qëmekene me thupene la Drai ne Amekunën, ke aqane tro hi së lai a amamane koi Iehova ka hape, atraqatre la madrine së kowe la nöjei hnei Nyidrëti hna hamëne koi së. Pine laka, lolo la drai, haawe, troa nyimutre the së la itre ka ijije troa pane thele troa akökötrene la huliwa ne cainöj. Maine pionie ka ixatua së, tro hë së a thele troa kuca la 50 lao hawa maine nyimutre pena hune lai. (Mat. 5:37) Xötrethenge hnyawane ju lo porogarame hne së hna kuca ngöne la kola nyiqaane la treu. (Ate cai. 3:1; 1 Kor. 14:40) Ame koi itre xan, tro pë hë së a thele troa hane xatuane la nöjei pionie asë, troa ithuecatre koi angatr, me ce cainöje me angatr. (Wange ju la 2 Ite joxu 10:15, 16.) Maine tro së a catre cainöje ngöne la treu eiperem, atreine hi tro sa kapa la ketre madrine ka tru, me ketre manathithi qaathei Iehova. (Mal. 3:10) Maine jë ewekë lai ka troa aijijë së troa hane pionie ka ixatua, maine troa pionie lapa. Epi tro la trenge catre ngöne la ua hne së hna xome ngöne la treu eiperem, a hane mama fe ngöne la itre treu thupen, ke easë a thele troa itretre cainöjëne lapaane la maca ka loi.
5 Eje hi laka, troa nyimutre catre la itretre nyihlue i Iehova, ka troa nyiqaane inine la Tusi Hmitrötre memine la itre atr ka ala nyim. Aja së kö troa hane nyiqaane etid memine la ketre? Sipone jë jëne la thith, nge loi e troa huliwa thenge la itre thithi së. Troa xecie koi së laka, tro hë Iehova a madrine la itre sipo ixatua së hnene la hni ka ipië, göi troa thele la itre atr ka hni ka menyike nyine troa inin.—1 Ioane 3:22.
6 Hanawange la itre aqane nyiqaane ithahnata hna xome hë ngöne la hna cainöje trootro, nge ka hetre thangane ka loi. Nyiqaane hnyinge jë ka hape: “Ame ngöne la easë a öhne la nöjei iakötrë ka tru ngöne la itre uma ne ini, hapeu, huliwa i itre dremoni lai, maine qa ngöne laka, ngazo la hna inine la itre nekönatre hnene la itre keme me thin?” Nue pi troa sa. Maine tro la atr a qaja ka hape, “huliwa i itre dremoni” ke, e jë la Hna Amamane 12:9, 12, nge amamane hnyawa jë laka, Diabolo la ka ajojezine la fen. Thupene lai, fe jë la boroshüre Thele, ngöne la ini 4, nge hnyingëne jë maine ase jë fe hë lai atr thele ka hape, ka xulu qaa ka lae Diabolo. Wange ju matre troa e, me ce ithahnatane la lue pane paragaraf. Maine tro la atr a qaja ka hape, “thaa hna inine hnyawa kö hnei itre keme me thin” la itre nekönatr, matre kola elë la iakötrë hnine la itre uma ne ini, haawe, e jë la 2 Timoteo 3:1-3, nge amamane jë la itre aqane ujë ka aciane la itre jole cili. Thupene lai, fe jë la boroshür, Thele, ngöne la ini 8, nge e jë la paragarafe 5, nge sisedrëne jë la porotrik. Maine easë a isa pui troa iwai hmaca, thele jë la aqane troa kuca matre troa nyiqaane etid me angeic. Ame hë la kola iwai hmaca, hnyingë angeice ju maine atre hi angeice la ketre atr ka pi hane drenge la hnei angeice hna inin.
7 Ame la ketre jëne troa “cate kuca la ite huliwa ka loi” ngöne la treu eiperem, ke ene la troa thele la nöjei aqane troa cainöj. Hapeu, hane kö së mekune troa cainöje ngöne la itre park, maine itre hna acili loto? Ngöne hna cile hnei kar? Maine easë pena a ajane troa cainöje jëne telefon, ngöne itre gojeny, maine ngöne itre magazë? Hnauëne laka thaa eatrëne kö la itre mekune cili ngöne la treu celë? Tro Iehova a xatua së troa hetrenyi la trenge catre ka ijij. (Ite Huliwa 4:31; 1 Thes. 2:2b) Maine jë ijije tro së a isa pui matre troa ce huliwa memine la ketre pionie, maine ketre trejine ka maca troa xome la itre aqane cainöje cili.
8 Ame koi itre ka ajane troa aelëne la huliwa ne cainöj, loi e tro angatre a hane cainöje ngöne la nöjei ijin. Ame itre xaa ijin, ke, kolo hi a thele the së troa nyiqaane la porotrike memine la itre atr. Qaja jë hi la ketre topike hna ajane troa ithahnatane hnene lai atr, maine jë troa xome la aqane nyiqaane ithahnata hna hamëne ngöne la paragarafe 6. Loi e troa thele troa huliwane hnyawane la itre hnepe hawa matre thaa tro kö a aluuzine itre ej. Thatreine kö tro së a trije la itre pies ne 1 fara, maine 2 fara, maine 5 fara pena, pine laka thaa itre pies ne 100 fara kö itre ej. Haawe, tune kaa matre huliwane hnyawa hne së, maine faifi menetr, treen, maine fifitrine menetr, ne cainöje ngöne la nöjei ijin?
9 Ijine Troa Mekun: Pane mekune hmaca jë la itre ini hna kapa jëne lo darame ngöne lo Kovasio ne Distrik ne lo macatre hnapan, hna hape, “Itre Trenge Ewekë Hnei Akötresie Hna Thingehnaean.” Ame la taan la daram, ke, Apprécions notre héritage spirituel; kola xatua së troa mekune hnyawa la eisapengöi Iakobo me Esau. Hna qaja hnei Esau ka hape, hetre aja i angeice kowe la itre ewekë ngöne la götrane la ua, tui Iakobo, ngo thaa mama kö ngöne la itre huliwa hna kuca hnei Esau. (Gen. 25:29-34) Drei la ewekë nyine tro sa thupën! Loi e tro sa tui Iakobo, laka, troa canga hmekëne me catre qëmeke kowe la itre jol, me cile kowe itre ej, nge tro Iehova a amanathithi së. (Gen. 32:24-29) Hapeu, matre xome jë pena la treu eiperem, me itre xaa treu thupen troa acatrene la aja së troa cainöj, ngo thaa tro kö a mekune ka hape, troa hetrenyi xane la edrö së ngöne la ua?
10 “Easenyi hë la drai ka tru i Iehova, easenyi hë, nge saqe catë hë.” (Zef. 1:14) Loi e troa drenge la mejene ne la maca ka loi ne la Baselaia, ke emelene hi la itre atr lai. Epi tro la treu celë a hetre thangane ka loi kowe la nöjei hlue i Iehova asë, nge easë pala hi a amamane laka, easë a “cate kowe la ite huliwa ka loi.”
[Hna eköhagen götran 4]
Göi Drai Ne Amekunën
Troa atrune la Drai ne Amekunëne ne la macatre celë, e drai hnacian 19 eiperem. Loi e tro la itre qatre thupe a wange hnyawa la itre ewekë celë:
◼ Ame ngöne la kola ithahnatane la hawa göi icasikeu, loi e troa xecie hnyawa laka, thaa tro kö a hamëne la areto, nge thaa lö petre kö la jö.
◼ Loi e troa thuemacane la trejine ka cile fë la cainöj, la hawa hna axeciën, me hnë troa icasikeu.
◼ Loi e tro mina fe a canga wange göi pengöne falawa ka pë levene, me waina, nge troa canga hnëkëne itre ej.—Wange ju la zonal, La Tour de Garde ne 15 febuare 1985, götrane 19.
◼ Loi troa canga traqa fë la itre peleitr, me itre ver, me laulau me haötrengene ej, me canga nyiqaane amë itre ej.
◼ Loi e troa canga nyihnyawane la Uma ne Baselaia me ketre hnë icasikeu pena, qëmekene la traeme ne icasikeu.
◼ Loi e troa canga iëne la itre ka troa tro fë la areto, me canga hamëne koi angatre la itre ithuemacanyi göne la itre hnëqa i angatr, me aqane troa tro fë itre ej.
◼ Loi e troa hnëkë mina fe matre troa wange lo itre hna iëne ka wezipo nge ka thatreine kö troa hane traqa.
◼ Maine nyimu ekalesia ka mekune troa icasikeu ngöne la Uma ne Baselaia ka caas, haawe, loi e troa ce wange hnyawa matre thaa tro kö a jole e troa traqa kowe la hna icasikeu me tro qa ngön; thaa tro kö a ithungijë me acili loto menu.