Tro Kö Epuni Elanyi a Hane Sine Itre Ej?

¹ Hnene la ketre temoë ka hekö hë xomi bapataiso, hna qaja ka hape: “Maine hnei nyipunie hna triane la pane drai ne la kovasio, ke, kösë nyimutre la itre ewekë ka luuzi koi nyipunie!” Pine nemene la kola mekune tune la? Pine laka, drai ne kolo hi lai a nyiqaane hamëne la xeni ka sisitria ngöne la ua, hna hnëkëne koi së hnene la organizasio i Iehova. (Is. 25:6) Mai­ne tro sa sine la kovasio ngöne la kola nyiqaane ej, ke easë hi lai a amamane laka, caasi hi la mekuna së memine la atre cinyihane la salamo, kola hape: “Ini a madin’ e angat’ a qaja koi ni, ka hape, Tro shë kowe la ene i Iehova.”—Sal. 122:1.

² Ame ngöne lo ijine kovasio ne distrik hna hape “Itre Ewekë Hna Thingehnaeane Hnei Akötresie,” ke, kola mama laka, ala nyimu la itre ka traqa ngöne la mecixeni me sabath, ngo co pë hë lo drai ka tru. Kola qajaqaja ka hape, nyimutre catre la itre trejine me easë ka thaa hane sine la itre hnepe götrane ne la kovasio, triane pëhë angatre la itre mekune ka tru alien, ka qejepengöne la itre trenge ewekë hna thingehnaean. Ketre, triane pe kö angatre la ketre manathithi ka tru, troa caasi memine la itre trejin.

³ Loi e Thaa Tro Kö La Huliwa i Maseta a Sewe Nyipunie: Thaa hane kö sine hnei itre xane la drai ka tru, pine laka kola xouene e upe pi hnei maseta. Ngo, nyimutre la itre Temoë ka öhne laka, maine tro angatre a canga hnëkë me canga sipo drai ne mano, ke, thaa tro kö a jole troa nue angatr. Hnene la ketre maseta hna haine la aja ka catre thene la ketre söre pionie, troa hane sine la nöjei icasikeu ne la ekalesia, me itre asabele, ene pe hane jë fe hi nyidrë sine la ketre drai ne kovasio.

⁴ The tro kö a mekune menune ka hape, tro la maseta a thipetrije la sipo i nyipunie troa hetre ijine mano; ketre thaa loi kö troa mekune ka hape, thaa nyipi ewekë kö e troa triane hi la caa drai ne la kovasio. Thaa tro kö a luelue, ngo thele jë pe la aqane troa amamane kowe la maseta jëne la Tusi Hmitrötr, la kepine matre nyipi ewekë catre ngöne la hmi epuni la troa sine la kovasio. (Heb. 10:24, 25) Thupene lai, mejiune ju kowe la itre hna thingehnaeane hnei Iehova, me lapa atre laka, ame la itre ewekë hnei nyipunie hna thele ngöne la götrane la ngönetrei, ke, troa kapa itre ej, e hna pane amë panëne ngöne la mel, la itre ewekë ngöne la ua.—Mat. 6:33; Heb. 13:5, 6.

⁵ Ame la ka nyipi ewekë catr, ke ene la troa wangatrune hnyawa la “nöjei ewekë [“ka sisitria,” MN]”? (Fil. 1:10, 11; Sal. 27:4) Ewekë lai ka upi së troa canga hnëkë, matre troa atraqatre la thangane hne së hna kapa, qa ngöne la xeni ne iamele hna hamëne hnei Iehova. Nyiqaane jë enehila troa hnëkë, nge catre pi troa eatrëne la mekune ka eje thei nyipunie, ene la troa hane sine asë la köni drai ne kovasio!