Kovasio Ne Distrik Ne La Itretre Anyipici Iehova 2006 “Calemi Catre Hë La Iamele”
1. Tune kaa la aqane amamane la nöje i Akötresie ekö la hni ne ole i angatr kowe la nyipi hmi, nge nemene la ijine enehila ka aijijë së troa ujë tun?
1 Hnei Hezekia joxu hna upe la itre ka nyinyape i nyidrë troa tro fë la itre itus nyine könëne la nöj troa icasikeu e Ierusalema. (2 A. l. ite jo. 30:6, 13) Kola mama ngöne la aqane kapa angatre la ikönë cili la aqane wange angatr la nyipi hmi. (2 A. l. ite jo. 30:10-12) Easenyi hë la ijine ka ijij matre tro la itre hlue i Iehova enehila a amamane la hni ne ole i angatr kowe la ketre icasikeu ka tru matre troa atrunyi Iehova. Hna iupi fë la ketre itus kowe la ekalesia i epun matre troa könë epuni troa sine la Kovasio Ne Distrik hna hape “Calemi Catre hë la Iamele.” Tune kaa la aqane tro epuni a kapa la ikönë celë?
2. Nemene la nyine tro sa kuca enehila matre troa kepe thangane atrune la kovasio?
2 Troa Canga Hnëkë Enehila: Maine easa ajan troa kepe thangane la porogaram ngöne la ua hna hnëkën cememine la ihnim, nyipi ewekë tro sa sine asë la asabele. Loi e troa eköth inamacanëne la itre nyine troa kuca matre tro epun me fami epun a sin asë la köni drai ka pexej. (Ite edomë. 21:5) Maine jë tro epuni a sipo maseta göi drai ne mano, me ce ithanatane me föi epun ka thaa hmi kö, maine wange pena göi sipo maine hamë hnalapa, me xatuane fe la itre hnainin troa hane sine apexejene la asabele. The treqene kö la drai tixenuë troa hnëkëne la itre ka nyipi ewekë catre celë thatraqane la asabele. Amexeje jë pe itre ej hnine la thithi epuni koi Iehova, me mejiune laka tro “Nyidë a kuca.”—Sal. 37:5.
3. Pine nemene matre loi e tro sa drenge thenge la itre hna amekötin koi së göi kovasio?
3 Hna hnehengazone pala hi hnene hnene la organizasio i Iehova matre tro pala hi a hetre uma ka ikep thatraqane la nöjei kovasio ngöne la nöj. Maine hetre hni ne ole së kowe la aqane hujëne la itre trejine la mele i angatr troa hnëkëne la itre kovasio me itre ejolen ej, nge maine easa wanga atrune la itre trejine me easë ka traqa qa ngöne la itre xaa nöj, nge hetre metrötre së kowe la itre hna amekötin qaathei Akötresie, haawe, tro lai a upi së troa drenge thenge la itre eamo hna hamëne hnine la hna cinyihane celë.—1 Kor. 13:5; 1 Thes. 5:12, 13; Heb. 13:17.
4, 5. Nemene la itre hna hnëkën thatraqane la itre ka aja ixatua?
4 Itre Hna Hnëkë Göi Uma Me Göi Loto: Kola qaja hnei Ite Edomë 3:27 ka hape: “The cipane kö la loi e ate kë ewekën, e atein’ eö troa kuca.” Nemene la ewekë ka loi me ka ijije tro epuni a kuca ngöne la kovasio? Kola troa traqa kowe la kovasio hnene la itre trejin qa ngöne la itre götrane ka nyimutre ne la nöj. Troa canga wange göi uma me loto. Maine jë troa aja ixatua göi loto maine göi uma hnene la itre trejine ka qatre hë, me itre sine wezipo, me itre ka cainöj ngöne la drai ka pexej, me itre xane ju kö. Ame la pane hnëqa ne la itre sinee, tre, ene la troa thupëne la itre atr ka tune lai. (1 Tim. 5:4) Ngo maine thaa ijiji angatre kö troa kuca, tro pena la itre trejin a thele troa ixatua. (Gal. 6:10) Loi e tro la itre trejin ka xomiujine la itre Ini Tus a ce wang memine la gurupe i angatr la itre ka aja ixatua, matre troa xecie hnyawa laka, hna canga hnëkë hnyawa ha thatraqane la kovasio.
5 Hna hnëkën la itre pepa ne sipo uma thatraqane la itre trejine ka sine la kovasio. Loi e tro angatre a nyialiene la itre pepa i angatr, me canga hamën itre ej. Tro la Kometr Ne La Huliwa Ne Cainöj Ne La Ekalesia a goeëne la itre trejin ka ijij. Ketre hna amekötine la thatraqane la itre trejin ka pë ethan, me itre nekö i angatr ka loi thiina.
6. Nemene la ketre jën tro sa hane nyixane la madrine thatraqane la kovasio ka troa xulu?
6 Itre Ka Saen Troa Voloter: Thaa luelue kö së laka troa atraqatre la madrine la nöjei ka troa sine la kovasio, me hetre manathith hna kapa qa ngöne la xeni ne la ua, nge celë hi la itre ijine ithuecatrekeu. Ketre, troa elitrauje la madrine së e hne së hna hane saene troa huliwa ngöne la kovasio matre troa lolo la aqane trongene ej. (Ite hu. 20:35) Easenyi hë matre hëne jë la itre trejine troa hane ixatua ngöne la huliwa celë hnene la Kometr Ne La Kovasio Ne La Nöj. Hapeu, ijiji nyipunieti kö troa hane saen?—Sal. 110:3.
7. Nemene la hnei epuni hna lapa treqen ngöne la kovasio ne distrik e nöjei macatre, nge nemene la aja ka catr ka troa eje thei epun?
7 Ame ngöne la kola sine la ketre kovasio ne distrik, hna qaja hnene la ketre nekönatr ka faif lao macatre ka hape: “Ketre götrane la hmi koi Iehova hnenge hna ajan catrën la kovasio ne distrik.” Kola xatua së hnene la mekune celë qa kuhu hni, troa atrehmekune la madrine ka tru the së e troa sine la kovasio ne distrik e nöjei macatre. Nyipici hi lo hna nyimane hnene la atre cinyihane la salamo ka hape: “Loi la drai ka casi hnine la ite hnahage i cilie hune la ite drai ka thauzan [“e kuhu trön,” MN].” (Sal. 84:10) Davita a nyiman me fe amamane la trenge aja i angeice troa ‘lapa ngöne la ēnē i Iehova nöjei drai asë ne mele angeic, matre troa haine lapaane la ēnē i nyidë.’ (Sal. 27:4) Ketre atraqatre la madrine i Davita troa caasi me itre hlue i Iehova. Epi tro sa xomi tulu thei Davita, troa wanga atrune la nyipi hmi hnene la troa sin asë la köni drai ne Kovasio Ne Distrik hna hape “Calemi Catre Hë La Iamele.”
[Hna eköhagen götran 3]
Itre Hawa
Drai Ka Tru Me Mecixen
9:30 - 17:05
Sabath
9:30 - 16:10
[Hna eköhagen götran 4]
Itre Kovasio Ne Distrik 2006 Drai Me Hnë Asabele
Kaledonia
◼ 15-17 Semitrepa 2006
Nouméa: Uma Ne Asabele Ne Normandie.
◼ 22-24 Semitrepa 2006
Nouméa: Uma Ne Asabele Ne Normandie.
Tas
◼ 1-3 Semitrepa 2006
Port-Vila: Salle de la F.O.L. Port-Vila.
Walis
◼ 30 Semitrepa–1 Okotropa 2006 (lue drai ne kovasio)
Walis: Uma Ne Baselaia ne Mala’e, Hihifo.