Unis grâce à l’enseignement divin—Ketre Aqane Wange La Sipu Caas Ne La Itre Trejin Asë

Hna sin hnene la atre thupën la sirkoskripsio la ketre etid hna kuca hnene la ketre föe ka thaa hane petre kö sin la itre icasikeu ne la ekalesia. Hnei nyidrë hna hë nyidro troa hane goeën la video Unis grâce à l’enseignement divin. Ame ngöne la wiik cili, hnei eahlo hna hane sin la ketre icasikeu, me qaja ka hape, atraqatr la madrine i eahlo troa hane icasikeu. Pine nemen matre canga hetre thangane hi la hna wai video? Hnei eahlo hna hain la aqane caasi ne la itre trejin, ngacama tru la iangazo me iakötrë ngöne la fen. —Ioane 13:35.

Goeëne jë la video celë nge tro nyipunieti a öhn me wangatrehmekune hnyawa la tingeting memine la ihnim ka eje thene la Itretre Anyipici Iehova ngöne la fene hnengödrai asë. Thupene lai pane mekune hnyawa ju la itre hninge celë:

(1) Pine nemen matre ka lolo hnyawa la taan hna eköth thatraqan la itre kovasio ne la itre macatre 1993- 94, hna hape “Ini Qaathei Akötresie?” —Mika 4:2.

(2) Nemen la alien la nyipici qa hnine la Tusi Hmitrötr kowe la itre hnepe lapa? Tune kaa la aliene ej kowe la itre atren la lapa i nyipunie?

(3) Pine nemen matre nyipi ewekë troa nue Iehova troa ini së? —Sal. 143:10.

(4) Nemene la itre jol hna troa cile kow, ngöne la kola hnëkën la itre kovasio thatraqan la nöjei nöj asë?

(5) Tune kaa la aqane anyipicine hnei nyipunie la itre trenge ewekë hna qaja ngöne la Salamo 133:1 me Mataio 5: 3, ngöne la nyipunieti a hane sin la itre kovasio ne la itre Keresiano?

(6) Nemen la ka anyipicine hnyawa koi nöjei atr laka, hetre emenene catr la ini qaathei Akötresie? —Hna ama. 7:9.

(7) Nemene la etrun la itre nyipi Keresiano ka xome la Bapataiso, nge thaa hna öhne kö ekö?

(8) Nemen la itre trenge ewekë i Mika, me Peteru, me Iesu hna eatrën hnene la Itretre Anyipici Iehova?

(9) Nemen la ka anyipicin koi nyipunie laka, thaa kolo kö a pu laka hetrenyi la itre atr ka nyimutre ngöne la fen asë hna aceitunëne me ketre hnepe lapa ka madrin, me ka caas?

(10) Tro nyipunieti a amamai drei la video celë, nge pine nemen?

Thupen la hna goeën la video celë, hna qaja aloine ej hnene la ketre trejin föe, ka hape: “Troa xatua ni hnene la video troa acatrene thei eni la mekun laka, nyimutre catr ngöne la fen enehila la itre trejin, trahmany me föe ka mele nyipici pala hi koi Iehova me nyihlue i Nyidrë. . . . Drei la esisitrian la caas ne la itre trejine asë e cailo fen!”—Efe. 4:3.