Nemen La Hne Së Hna Ajan Troa Traqa Kow?
1 Pine nemen matre easë a inin la itre atr la alien la Tusi Hmitrötr? Hapeu, göne hi la tro angatr a hane hetreny la atrehmekun, troa hane aloin la mel ne la itre atr, maine troa wenë matre troa nualai la itre aqane waiewekë i angatre thatraqane la itre drai elany? Ohea. Ame la sipu aja së tre, ene la troa inin la itre atr matre tro angatr a hane itretre drei Iesu Keriso! (Mat. 28:19; Ite Huliwa 14:21) Celë hi la kepin matre nyipi ewekë fe tro la itre atr hne së hna ini tusi kow, a hane ce me easë hnin la ekalesia. Tro angatr a kökötr ngöne la götran la ua, e trotrohnin hnyawa angatr la organizasio i Keresiano.
2 Aqane Troa Traqa Kowe La Hna Ajan: Loi e qaane ju hi la kola nyiqaan etid, tro pala hi a upe la hnainin troa hane sin la itre icasikeu ne la ekalesia. (Heb. 10: 24, 25) Qaja jë la aqane tro la itre icasikeu cili a acatren la lapaune i angeic, me xatua angeic troa kuca la aja i Akötresie, me aijijë angeic troa ce mel memin la itre xaa atr ka ajane fe troa atrunyi Iehova. (Sal. 27:13; 32:8; 35:18) Troa hane hetre hni ne ajane i angeic troa hane sin la itre icasikeu, e angatr a öhn hnyawa the së la sipu ihnimi së me madrine së kowe la ekalesia.
3 Nyipi ewekë troa atre hnyawa hnen la itre xan e angatr, laka ame la organizasio i Iehova, tre eje a jilapan la fene hnengödrai asë, nge hna aceitunë angatr me itre trejin. Amamane jë koi angatr la itre video, Les Témoins de Jéhovah : un nom, une organisation me Toute la communauté de nos frères. Xatua angatre jë troa madrin laka, Iehova a upe la itre atr, itre milio la etrun, ka saen troa nyihlue i Nyidrë, troa kuca la aja i Nyidrë e cailo fen. Loi e troa atre hnyawa fe hnene la itre ka xötrei ini tus, laka, hna hane könë angatre fe troa nyihlue i Akötresie. —Is. 2: 2, 3.
4 Atraqatr la madrine së, ngöne la easë a öhn la itre ka inin la Tusi Hmitrötr a hane itretre drei Iesu fe. Celë hi ewekë lai hne së hna ajan troa traqa kow! —3 Ioane 4.