Troa Qeje Nemen Gön La Itre Zonal

La Tour de Garde 15 Eip.

“Ngöne la nöjei götran ne la fen, kolo asë hi a ajan hnene la itre atr troa lapa xetietë, tune la troa öhnyi huliwa ka loi. Ngo hapeu, hane fe kö nyipunie mekun laka hetre nyipi trepen la lapa xetietë cili, ka cile hut, nge ka aijijë së troa mele ka loi epine palua? [E jë la Salamo 16:8, 9.] Kola amaman ngöne la zonal celë, La Tour de Garde, la aqane troa kapa la nyipi lapa xetietë.”

Réveillez-vous ! 22 Eip.

“Nyimutre la itre atr enehila ka tro trije la itre hmi ka tru, matre troa isa hmi koi Akötresie thenge la isa aqane mekune i angatr. Tune kaa la mekune i epun kowe la aqane ujë cili? [Nue pi troa sa.] Kola amaman hnei Tusi Hmitrötr laka, nyipi ewekë catr koi Akötresie la aqane hmi së koi Nyidrë. [E jë la Ioane 4:24.] Kola qaja hnene la zonal, Réveillez-vous ! la nyipi aqan troa eatrën la itre aja së ngöne la götran la ua.”

La Tour de Garde 1 Mei

“Atre hi nyipunie la ëjen la ketre atr ka tru mecine catr, maine ka akötr pine la ketre sine meci pena? Nyipici, kola aja ixatua hnene la itre atr cili. Ngo nemen la nyine tro sa qaja matre troa ithuecatr koi angatr? Kola hamën hnei Tusi Hmitrötr la itre trenge ewekë ne mejiun. [E jë la Isaia 35:5, 6.] Kola qejepengön hnene la zonal, La Tour de Garde, la kepin matre xecie hnyawa koi së laka troa eatr la hna perofetane cili.”

Réveillez-vous ! 8 Mei

“Ame ngöne la macatre ka ase hë, hna traqa la itre ewekë ka thel troa thapa la tingeting. Hapeu, tro kö a tingeting la fen, jën la trenge catr ne la itre musi ne fen? [Thupen la hna sa, e jë la Isaia 2:4.] Kola amaman hnene la zonal, Réveillez-vous ! la kepin matre loi e troa xecie koi së laka, tro kö a tingeting elanyi la fen.”