Kepin Matre Easë a Hnime La Caa Lapa Ne La Itre Trejine Asë

Kola paatre la ihnimi enehila e celë fen, tune kaa la aqane tro sa amamane pala hi la ihnimi së kowe la itre trejine me easë ngöne la götrane la ua? (1 Pet. 2:17) Tune kaa la aqane tro sa amamane kowe la itre xaa atr ka hape, ame la ihnimi së kowe la itre trejine me easë e cailo fen, tre thaa ka tëtë kö? (Mat. 23:8) Jëne hi lo video hna hape, Toute la communauté de nos frères. Eje a amaman la itre kepin matre easë a ihnimikeu. Wange ju maine ijije tro nyipunie a hane sa la itre hnyinge celë:

(1) Nemen la köni huliwa hne së hna ce thawa memine la itre trejine me easë e cailo fen? (2) Tune kaa la aqane amaman hnene la itre trejine me easë la hni ne ajane i angatr troa cainöj (a) ngöne la itre götrane gaa nanyi e Alaska, (b) ngöne la itre hna xepe hnei he e Erop, me (c) ngöne la itre hnaxulu ne Peru? (3) Nemen la ketre jiane huliwa ka lolo catr nyine troa cainöj? (4) Pine nemen matre thaa tro pi kö sa mekune ka hape ame la troa cainöj, tre ketre huliwa hi ka tune lo itre xan? (5) Hamëne jë la itre ceitun ngöne la aqane iakeukawanekeun me ixatuanekeun hnene la Itretre Anyipici Iehova ngöne la itre ijine akötr—tune la kola traqa la itre sa ka tru, itre janacas, me itre isi hnine la nöje ka caas. (Wange ju la itre mekun hna hamën hnei Takao ngöne la götrane 23 ne la Réveillez-vous ! ne 22 Ogas 1995, me Kotoyo ngöne la götrane 20 ne la Réveillez-vous ! ne 22 Okotropa 1996.) (6) Nemene la itre aqane tro sa amaman la hatrene ka tru, ene la ihnimi së memine la itre trejine me easë Keresiano e cailo fen? (Ioane 13:35) (7) Tune kaa la aqane tro sa wangatrune hnyawa la itre icasikeu ne la ekalesia së? (8) Tune kaa la madrine ne la itre trejin ngöne la angatr a hane xötrei icasikeu hnine la ketre Uma Ne Baselaia hna xötrei xup? (9) Tune kaa la aqane thupëne ngöne la itre götrane ahië ne Erop, la mele ne la itre trejin ngöne la götrane la ua, ngöne lo kola wathebon troa cainöj ngöne la itre nöje cili? (10) Tune kaa enehila la aqane catr la Itretre Anyipici Iehova ka nyimutre, troa hane sin la itre kovasio, nge nemene kepine lai? Tune kaa la aqane xatua së hnene lai? (11) Pine nemen matre easë a catr troa ce hmi ngöne la caas, matre troa xatuan la itre xan ngöne la itre ijine akötr, me hane catre cainöj e cailo thenge la hne së hna atrein? (12) Pine nemen matre ka loi e troa hetrenyi la video celë, me hane amamane fe ej kowe la itre atr ka nyimutre?