Kola Sa La Itre Hnyinge i Nyipunie
◼ Eu la troa acil la ketre gurup ka ketre qene hlapa kö?
Maine kola mama laka ala nyimu la itre atr ka qaja la ketre qene hlapa ngöne la götran hne së hna cainöje ngön, ijije troa eköth hnene la itre qatre thup la huliwa ne cainöj ngöne la qene hlapa cili. (km 7/02 g. 1; km 2/98 g. 3-4) Maine jë ame la itre atr cili, tre, angatr a jilapan la itre teritoar ne la luetre maine nyimu ekalesia pena. Maine eje hi lai, tre, loi e tro la itretre thupën la itre sirkoskripsio a hamën la itre mekun nyine troa eköth la huliwa, ene pe troa xatuan la itre ekalesia troa caas me ce huliwa ngöne la hna cainöje trootro. Maine jë troa hane kuca lapaane fe la ketre cainöj kowe la ka ala nyim maine Ini ne la zonal, La Tour de Garde, ketre matre troa atrepengön la etrune la itre atr ka troa sin la itre icasikeu ngöne lai qene hlapa cili.
Troa acile fe lai gurup ka qaja la ketre qene hlapa, e hetrenyi asë hë la itre ewekë celë: (1) Hetrenyi la itretre cainöj maine itre ka hetre hni ne ajan kowe la nyipici, a ka trotrohnine hnyawa kö la maca ka loi ngöne lai qene hlapa cili. (2) Loi e troa hetre qatre thup ka maca troa hamë ini ngöne la götrane la ua maine ketre drikona pena, troa elemeken me xomiujine la caa icasikeu ngöne la wiik. (3) Troa hetrenyi la ketre collège ne la itre qatre thup ka troa xatuan la gurup. Maine hetrenyi asë hi la itre ewekë cili, haawe, loi e troa thuemacane la bethela hnene la itre qatre thup matre troa atre me kapa hnei sasaiatri, nge troa hamën la itre xaa mekun nyine troa eköthe hnyawa la huliwa.
Nyimutre la itre gurup ka nyiqaan hnei Ini Tus Ne La Ekalesia ngöne la nöjei wiik. Ame hë thupene lai, kola kapa hnene la itre qatre thup troa kuca la itre xaa icasikeu, tune la Icasikeu Kowe La Ka Alanyim, me Ini ne la zonal, La Tour de Garde. Maine hetre qatre thup maine drikona ka atre hnyawa la qene hlapa matre troa hamë eamo, haawe, ijije fe troa hane cile fë fe lo itre hnëqa N. 2, 3, me 4 ne la Ini Ne Cainöj Qaathei Akötresie, ngöne la itre xaa hnahag thatraqane la Ini. Ngo troa ce icasikeu hnene la gurupe cili memine lo ekalesia i angatr, göi hnëqa N. 1, me itre mekune ka tru qa hnine la Tusi Hmitrötr, me Icasikeu Ne La Huliwa. Maine jë tro fe a hnëkën thatraqane lai gurup, la itre icasikeu göi cainöje trootro.
Troa ce huliwa asë la itre atren lai gurup, memine la collège ne la itre qatre thup ka troa elemeken ej. Loi e troa tuluthe hnyawa hnene la itre qatre thup la itre mekun nyine troa eatrongën lai gurup, me hetre hni ne ajan troa wanga atrun la itre hna ajan hnene la itre atren la gurup. Ame ngöne la kola iwai hnene la atre thupën la sirkoskripsio ngöne la ekalesia ne lai gurup, loi e tro fe angeic a hane ce cainöje trootro memin lai gurup, matre troa acatren la lapaune i angatr. Tro Iehova a amanathithin la hna amekötin cili, nge maine jë tro hë elanyi lai gurup ka ketre qene hlapa kö a hane ketre ekalesia.