Nyipici La Wesi Ula i Akötresie
1. Nemen la ithuemacanyi ka eje e hnine la Tusi Hmitrötr?
1 Önine la atre cinyihan la Salamo ka hape, “Ame le nyipi eköne la wesi ula i cilie, te, nyipici.” (Sal. 119:160) Ngöne la Wesi Ula i Nyidrë hna cinyihan jëne la uati hmitrötr, hnei Iehova hna hamën la itre mekun ka sa hnyawa la itre hnying ka nyipi ewekë catr kowe la mele së. Nyidrëti a hamën la keukawa memine la mejiune kowe la itre atr ka akötr. Nge Nyidrëti fe a amamane la aqane tro sa easenyi catre koi Nyidrë. Hna qaja hnene la ketre föe ka akötr ka kucakuca ka hape: “Ame la easë a atre la nyipici qa hnine la Tusi Hmitrötr, tre, ceitune me easë a tro trije la ketre götrane ka miti catr me ka hleuhleu, nge easë a traqa kowe la ketre gaa lai, ka nualai, nge ketre hnahag ka nyipi lolo.” Hapeu, nyipunieti kö a thele troa tro fë la nyipici qa hnine la Wesi Ula i Akötresie ngöne la nöjei ijin ka ijij?
2. Kola aloine tune kaa hnene la Tusi Hmitrötr la mele ne la itre atr?
2 Men Ne La Tusi Hmitrötr Me Aqane Thapa Hnene Ej La Itre Atr e Cailo Fen: Hetre mene ne la nyipici troa ketr la hni ne la itre atr me saze la mele i angatr. (Heb. 4:12) Hetrenyi la ketre föe hmae, Roza la ëje i nyiidro, ka ce meköl memine la itre trahmanyi göi mani, nge ka iji menu fe la ka haitr me xomi dorog. Öni nyiidro ka hape: “Ame ngöne la ketre drai, pë hnyawa ha hnenge hna mejiune kow, ene pe xulu pi hi la lue trefën lue Temoë troa ithanata me eni ngöne la aqane tro la Tusi Hmitrötr a xatua së troa cile kowe la itre jole së. Hnenge hna nyiqaane troa inin la Wesi Ula i Akötresie, eni a hain atraqatr la eloine ej. Thupene caa treu, hetre trenge catrenge troa nyiqaane la ketre mele ka hnyipixe me ka pë ethan. Ame hë enehila laka hetre aliene hë la meleng, thaa eni hmaca kö a thele ixatua ngöne la kahaitr maine dorog. Nge hnene laka, atraqatr la aja ka eje e kuhu hning troa hane enehmu i Iehova, haawe, hnenge hna catre thele troa melën la itre hnei Nyidrëti hna amekötin. Maine paatre pe hi la inamacane ka lolo qa hnine la Wesi Ula i Akötresie, tre, ase hë ni ekö hnöjua.”—Sal. 119:92.
3. Pine nemen matre thaa tro pi kö së a cile troa tro fë la maca ne la Tusi Hmitrötr kowe la itre xaa atr?
3 Pëkö itusi ka tune la Tusi Hmitrötr enehila, eje a hule la itre atr qa ngöne la ‘itre xötre nöj asë, me itre tribu, me nöjei atr, me itre qene hlapa.’ (Hna ama. 7:9) Ame la aja i Akötresie tre, ene la ‘tro la nöjei atr asëjëihë a mele me wangatrehmekune la nyipici.’ (1 Tim. 2:4) Qa ngöne lai, thaa tro jë kö së a mekune ka hape, tro ha xele ma drenge la maca ka loi hnene la ketre atr ke hnene la aqane mele i angeic. Ohea, ce thawa jë memine la nöjei atr asë la maca ne Baselaia, me xome mekötine la itre ithuemacanyi qa hnine la Tusi Hmitrötr.
4. Tune kaa la aqane tro sa xome la Tusi Hmitrötr ngöne la easë a cainöj?
4 Loi Troa Xome La Itre Xötr: Nyimutre la itre ijine troa xome la Tusi Hmitrötr ngöne la hna cainöj. Ame ngöne la kola tro fë la itre zonal, tupathe jë troa xome la ketre xötr hna hamën ngöne la ketre aqane nyiqaane ithanata. Ame ngöne la kola cainöje fë la itus nyine troa tro fë ngöne la treu, kola öhne hnene la itre xaa trejine la eloine la troa e hnyawa la ketre xötr hnei angatr hna iën ngöne la aqane nyiqaane ithanata. Ame la kola iwai hmaca, xome jë la caas maine nyimu xötre ne la Tusi Hmitrötr matre troa xatuane la atr troa kapa la nyipi atrehmekun. Ame ngöne la kola etid memine la itre atr, ithanata xötreithe jë la itre xötre kii. Maine kolo pena a cainöj ngöne la nöjei ijin, xome trongëne jë la Tusi Hmitrötr matre troa fe ngöne la kola cainöj ngöne la nöjei ijin.—2 Tim. 2:15.
5. Pine nemen matre loi e tro sa catre xome me fe la Tusi Hmitrötr ngöne la easë a cainöje trootro?
5 Catre pi së troa xome la Tusi Hmitrötr ngöne la nöjei ijine easë a cainöj, eje hi lai laka, tro hë së a xatuan la itre xaa atr troa kepe thangane ka loi qa ngöne la mene ne la Wesi Ula i Akötresie, ene la nyipici.—1 Thes. 2:13.