Paatr 10: Aqane Troa Eatrongëne La Itre Etid Ka Kökötr
Inine Jë La Itre Hnainin Troa Cainöje Ngöne Itre Hnalapa Trootro
1 E mama ha kowe la itre qatre thup laka ijije hë tro la ketre hnainin a hane cainöj, ma tro fe hë angeic a hane nyiqaane ce cainöj memine la ekalesia. (Wange ju la itus Organisés pour faire la volonté de Jéhovah, g. 79-81.) Tune kaa la aqane tro sa xatuan la hnainin troa hane cainöj ngöne itre hnalapa trootro?
2 Loi e Tro Nyidroti a Ce Hnëkë: Sisitria la troa hnëkë. Amamane jë hnine la Huiwa Ne Baselaia me Comment raisonner la itre aqane nyiqaane ithanata, nge xatua angeice jë troa iën la ka hmaloi nge ka ijij thatraqane la teritoare së. Ithuecatre jë ngöne la qaan, troa cainöje fë la Tusi Hmitrötr.—2 Tim. 4:2.
3 Troa hetre thangane ka loi kowe la ka xötrei cainöj troa amacan la itre mekun. Amamane jë kowe la hnainin la aqane troa sa hnyawa la itre hnying ne la itre atr ne la nöj, ngöne la angeic a amacan la mekun. (Kol. 4:6) Tro angeic a atre laka, thaa hnene kö laka Keresiano së, tre, tro hë së a atreine sa la nöjei hnyinge asë. Ka lolo pe ngöne itre xaa ijin troa pane thele la itre mekun ka sa la itre hnyinge cili, me bëeke hmaca troa ce ithanatan.—Ite edomë 15:28.
4 Troa Ce Cainöj: Ame la kola xötrei ce cainöje trootro memine la hnainin, tro angeic a pane goeën la aqane tro fë epuni lo ketre aqane nyiqaane ithanata hnei epon hna ce hnëkëne hë. Thupene lai angeice pena. Maine jë ka loi e tro hi angeic a kuca la ketre hnepe götrane ne la aqane nyiqaane ithanata, tune la troa e la xötr me hamë mekune ngön. Wangatrune jë la thiina memine la itre hna atrein hnene la hnainin. (Fil. 4:5) Ngöne la epuni a ini angeice trootro troa xome la itre xaa jëne troa cainöj, qaja aloinyi angeice jë.
5 Nyipi ewekë troa xatuane la ka xötrei cainöj troa eköth la ketre porogaram matre troa cainöj ngöne la nöjei wiik, e ijij. (Fil. 3:16) Loi e troa isa pui matre troa ce cainöj me angeic, nge xatua angeice jë fe troa ce tro memine la itre ka catre cainöj. Troa xatua angeic hnene la tulu i angatr me hna ce me angatr, troa atrein me madrin troa cainöj ngöne itre hnalapa trootro.