Loi e Nyimutre Pala Hi La Itre Atr Hna Cainöje Kow

1. Nemene la hna kuca hnene la itre pane Keresiano matre troa cainöj kowe la itre atr ka nyimutre?

¹ Hna catre thele ekö hnene lo itretre drei Iesu troa tro fë la maca ne Baselaia. Hnei angatr hna xome la itre jëne troa cainöj ka ijij, matre troa ketr la itre atr ka nyimutre. Hnene lo itre Keresiano hna cinyihan la Tusi Hmitrötr ngöne qene Heleni, lo qene hlapa hna ithanatan ekö fene la musi Roma. Ame hë lo itre macatre 100 me 200 M.K., hnene la itre ka cainöj ngöne la hneijine cili hna catre xome lo itus hna hape codex; ka hmaloi kö troa huliwan ej hune lo itre itus hna ewath.

2, 3. (a) Tune kaa la aqane eatr enehila la tusi Isaia 60⁠:16? (b) Nemen la aqane xome la itre jiane huliwa ka hnyipixe matre sajuën la hmi ka wië?

² Hna Xome La Itre Jiane Huliwa Ka Hnyipixe: Hnei Iehova hna ahnithe jëne Isaia perofeta ka hape: “Tro eö a iji zane thi ne la nöjei nöj.” (Is. 60⁠:16) Kola eatre hnyawa enehila la hna perofetane celë; itre hlue i Iehova a xome hnyawa la itre mo ne la fen matre troa sajuën la huliwa ne cainöj. Drei la ketre ceitun, itre macatre qëmekene troa hlemu la sinema, hnene la itre Ka Inine La Tusi Hmitrötr hna nyiqaane lo 1914 troa amamane la ketre peleihaus hna hape “Photo-Drame de la Création.” Eitr lao hawa ne lai peleihaus, nyimu han la itre iatr nge kösë hete ikaho ka ce tro memin. Itre milio la etrun la itre atr hna ketr hnene la aqane cainöje cili.

³ Ame enehila kola fejan hnene la nöje i Akötresie la itre itus jëne la itre imasine ka tru ka feja pepa nge nyimutre la itre jiane huliwa tune la itre ordinatör hna xom troa ujën la itre Tusi Hmitrötr me itre itus. Pine laka nyimenyime la itre jëne iupi fë la itre itus, haawe, atreine hi troa ketr la itre atr ne 235 lao nöje ka tru. Jëne la Ua i Iehova, hnei Nyidrë hna upe la itre hlue i Nyidrë troa huliwane hnyawa lai itre jiane huliwa, me kuca matre tro kö la nyipici a ketr la ka ala nyim catr enehila.

4. Nemen la aqane saze itre xan la mele i angatr matre troa nyimu atr hnei angatr hna cainöje kow?

⁴ Aqane Isa Saze Mel: Hetre ajane fe la itre nyipi hlue troa saze mel göi troa tro fë pala hi kowe la itre atr ka ala nyimu catr, la maca ka loi. Nyimutre la itre ka ahmaloën la mele i angatr matre troa nyimu ijin troa cainöj. Itre xan a tro troa mel me cainöj ngöne la itre götran gaa aja ka cainöj. Ame itre xan kola inin la ketre qene hlapa matre troa akökötren la huliwa ne cainöj.

5, 6. Nemene la nyine troa kuca matre troa ketr la itre atr ka nyimutre ne la nöje së?

⁵ Ketre, ijije hi troa nyimu atr hne së hna troa ketr, e hne së hna cainöj ngöne la ijine angatr a lapa hnalapa me ngöne götrane ka ijij troa öhnyi angatr. Maine ngöne la drai ka pexej paatre pala hi angatr ngöne hnalapa, tune kaa matre tupath troa cainöj pena e heji lapa? Hetrenyi kö la itre hnë cainöj gaa tru atr? Hane kö epuni thel troa cainöj jëne telefon me ngöne itre hnë salem? Hane kö epuni thele troa cainöj ngöne la nöjei ijin?

⁶ Drei la madrine së troa hane ce cainöjën memine la itre xan la ëje i Iehova me Baselaia i Nyidrë! Catre pi së tro fë la nyipici qa hnine la Wesi Ula i Akötresie kowe la itre atr ka ala nyimu catr, celë hi jëne iamele lai.​Mat. 28⁠:​19, 20.