Epuni Kö a Hane Hamën La Itre Pepa Ne Ithuemacany?
Hna öhne ngöne la ketre drai hnene la ketre nekönatr trahmany ka 11 lao macatre la ketre pepa ka qaja la ifereno. Ame pë hë thupen, öni angeic: “Eni a pi atre la aliene ej, pine laka, hnenge pala hi hna kuca la ngazo, nge eni a xou laka e meci hë ni, troa dreuthi ni hnine la ifereno.” Hnei angeic hna tro thenge la hna e, nge thupene caa macatre ne etid, kola hane xome fe la bapataiso. Hna nyiqaane hi e cili la huliwa ne pionie i Karl Klein; nyimu macatre ne nyidrëti pë hë a hane nyi atren lo Collège central ne la Itretre Anyipici Iehova. Hna jëne hi lo lai sine pepa.
Ketre jëne troa cainöj ka sisitria pala hi enehila la itre sine pepa. Nyimutre la itre trejine ka öhne la eloine la troa nyiqaane ithanata memine la itre atr jëne la ketre pepa. Ijije hi tro la itre keme me thin a hane nue la itre nekö i angatr ka co troa tro fë la ketre pepa. Ame koi itre ka cinyany matre troa cainöj, ijije hi tro angatr a hane liin la ketre pepa hnine lai tus matre thuemacane la itre ijine icasikeu. Jëne mina fe la itre sine pepa, ijije fe tro sa könën la itre hnainin me itre xaa atr ka ajan troa hane sin la itre icasikeu së.
Hane kö epuni cainöje fë hnyawa la itre sine pepa?