Troa Hamëne Kowe La Atre Thupëne La Ini
Troa ce ithanatane cahu itre hnying ngöne la ijine Ini ne Cainöje Trootro Qaathei Akötresie, e 29 Ogas 2005 me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 4 Julai koi 29 Ogas 2005. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying.—Wange ju la itus, École du ministère g. 36-7.]
ATREINE CAINÖJ
1. Ame ngöne la easa cainöje kowe la itre atr, tune kaa la aqane troa “öhne hnene la nöjei ate la menyike [the së],” nge pine nemene matre ka nyipi ewekë catre lai? (Fil. 4:5; Iako. 3:17) [be g. 251 par. 1-3, itre mekune hna eköhagen]
2. Maine atre hi së la itre ijine tro sa thiina ka menyik, tro lai a xatua së tune kaa matre atreine së troa ithanata kowe la itre atr? [be g. 253 par. 1-2]
3. Pine nemene matre nyipi ewekë catre troa atreine xome la itre hnyinge matre troa xatuane la itre atr troa thele ewekë ngöne la ketre mekun? [be g. 253 par. 3-4]
4. Nemene la itre ewekë nyine tro sa wanga atrune matre troa una ielene la itre atr hnene la aqane nyiqaane ithanata së? [be g 255 par. 1-4, itre mekune hna eköhagen; g. 256 par. 1, itre mekune hna eköhagen]
5. Nemene la nyine tro sa lapa mekune maine easa ajane troa xome la ketre mekune ka thaa ihmeku kö memine la Wesi Ula i Akötresie matre troa sajuëne la mekuna i Nyidrë hnine la Tusi Hmitrötr? [be g. 256 par. 3-5, itre mekune hna eköhagen]
HNËQA NABA 1
6. Nemene la ka anyipicine laka ka mele Iesu ekö? [w03 15/6 g. 4-7]
7. Nemene la aliene la hna hape ‘ame la qe ne la ite ka meköt, tre, troa amele angat,’ nge troa “cile huti” tune kaa la uma ne la itre ka meköt? (Ite edomë 12:6, 7) [w03 15/1 g. 30 par. 1-3]
8. Pine laka thaa hna cinyihane kö hnei Tusi Hmitrötre la nöjei nyine kuca me thaa nyine kuca, haawe, tune kaa la aqane tro sa ‘trotrohnine la aja i Joxu [Iehova]’? (Efe. 5:17) [w03 1/12 g. 21 par. 2–g. 22 par. 3]
9. Nemene trepene meköti laka maine easa trongëne itre ej, tre troa xatua së troa cile kowe la pë ewekë, maine kowe la aqane elë la thupene mo? [w03 8/1 g. 5 par. 3-6]
10. Hna ketri së tune kaa la tulu hna hamëne hnei Iehova ngöne la aqane hame gufa i Nyidrë? (Mat. 10:8) [w03 8/1 g. 20-2]
E TUSI HMITRÖTR NGÖNE LA WIIK
11. Nemene la aliene la lue kapa hna hëne ka hape Iakina me Boaza, ngöne la hna xötrei lö hnine la ēnē i Solomona? (1 Ite jo. 7:15-22)
12. Thenge la Trenge Wathebo i Mose, ijiji Solomona kö troa hamëne la 20 lao traon qaa Galilaia nöje i Hirama joxu ne Turo ? (1 Ite jo. 9:10 -13)
13. Nemene la ini hne së hna kapa qa ngöne la hna tria hnene la ketre “ate i Akötesie”? (1 Ite jo. 13:1-25)
14. Kola hapeue la hna catr hnene la Joxu ne Iudra, ene Asa, nge nemene la ini hne së hna kapa qa ngöne la tulu i angeic? (1 Ite jo. 15:11-13)
15. Kola amamane tune kaa la engazone la troa hleuhleu fë la itre ewekë ka traqa koi së, tune la ewekë ka traqa kowe la Joxu Ahaba me Nabotha? (1 Ite jo. 21:1-16)