Porogaram Ka Hnyipixe Ne La Asabele Ka Ketre Pengön Ka Caa Drain

Lolo catr la aqane xupe la alamek. (Sal. 139⁠:14) Maine ngöne la easë a goe, tre, nyimu hne së hna öhn, ngo atreine fe tro hi a caa hna goëene hnyawa. Ceitune hi lai memine la easë a goe ngöne la götrane la ua. Loi e tro sa catre thele troa kuca la aja i Akötresie, matre troa nualai hnyawa pala hi la aqane tro sa goe ngöne la ua. Pine laka kola kökötre catr la itre nyine madrin ngöne la fene i Satana, eje hi lai laka troa ixatua koi së la asabele ka ketre pengön ka caa drain 2006; ame la taan, tre “Loi e Maca La Alameke Së”!​—Mat. 6:​22.

Troa kuci nemen matre troa kepe manathith qaathei Iehova? (Ite edomë 10⁠:22) Hnyinge la hna troa ce wang ngöne la götran hna hape “Troa Menuën la Itre Manathith e Hna Amacan La Alamek.” Troa hnyinge kowe la itre trejine me wanga atrune la eloine la troa trongën la itre trepene meköti qa hnine la Tusi Hmitrötr. Ame la cainöje ne la ka iwai, hna hape, “Loi e Maca La Alameke Së Ngöne La Fene Ka Ngazo,” tre, kola hmekë së la itre ewekë ka ajolën la mele së, me sewe së troa kökötr ngöne la ua. Tro fe sa atre la aliene la hna hape troa iën la “götrane ka loi.”​—Luka 10⁠:⁠42.

Tro itre keme me thin me itre xan a xatuane tune kaa la itre thöth Keresiano troa catre thel la itre aja ngöne la ua? Tro itre keme me thin me itre thöth a qaja la enyipiewekëne lai ngöne la lue cainöj hna hape, “Itre Kem Me Thin Ka Ea Amekötin La Uke Pehna i Angatr” me “Itre Thöth Ka Thel Troa Eatrën La Itre Aja Ngöne La Ua.” (Sal. 127⁠:⁠4) Troa nyipun hnene la atre iwai, me wang la aqane tro sa ce kökötr memine la organizasio i Iehova, easë isa ala caas, easë fami, me ekalesia.

Ngacama ka hnyipi atre së la nyipici maine ka hekö pena, ngo nyipi ewekë troa ‘maca la alameke së.’ Celë hi hna troa xatua së kow hnene la asabele ka caa drain.