Atraqatr La Thangan Hna Kapa Qa Ngöne La Itre Icasikeu Göi Cainöje Trootro
1. Troa xatua së tune kaa hnene la itre icasikeu göi cainöje trootro?
1 Kola hamën hnene la itre icasikeu göi cainöje trootro, la itre ithuecatr me itre ini ka lolo qëmekene troa xome la huliwa ne cainöj. Kola aijijë së fe hnene itre ej troa ce cainöj memine la itre xaa trejin, matre tro sa ixatuanekeun la itre ewekë me kapa la itre ini thatraqane la huliwa së. (Ite edomë 27:17; Ate cai. 4:9, 10) Nemene la nyine tro sa kuca matre tro sa kepe thangane hnyawa qa ngöne la itre icasikeu cili?
2. Nemene la itre xaa ewekë nyine troa wanga atrune hnene la ka elemekene la icasikeu göi cainöj?
2 Ka Troa Elemeken: Pëkö ithuemacanyi hna hnëkëne amë hë matre troa ce wang ngöne la itre icasikeu celë. Celë hi matre loi e troa hnëkë hnyawa hnene la ka troa elemekene la icasikeu göi cainöj. The canga mekune kö tune lo hna majemin troa goeën la topik ne la drai; maine tro hi a xom la topik, e ka itretrengekeu la itre mekunen memine la huliwa ne cainöj. Mekune ju pe la ketre mekune ka loi ka troa xatuane la itre ka troa cainöj ngöne la drai cili. Maine jë tro epuni a ajane troa ithanatan maine iamacanyine pena la ketre aqane nyiqaane ithanata. Maine jë troa iëne troa pane ce wange hmaca la ketre mekune qa hnine la itus Comment raisonner, me École du ministère, maine qa ngöne pena lo ketre Icasikeu Ne La Huliwa ka ase hë. Ame ngöne la itre xaa ijin, troa ce wange pena la aqane troa cile kowe la ketre jol ka eje ngöne götrane hna cainöje ngön, maine tro pena a ithanatane la aqane troa wange hmaca la itre atr me nyiqaane etid me angatr, e maine nyimu trejine ka iwai hmaca. Loi e troa madrin me ithuecatr.
3. Ije traeme ne troa icasikeu, nge nemene la hna troa kuca ngöne la ijine cili?
3 Nyiqaane jë la icasikeu ngöne la traeme hna sa, ngacama troa nango traqa hmitr hnene la itre xan. Loi e troa hetrenyi la atrehmekun ngöne la kola thewe atr me thewe teritoar kowe la itre ka ajan. Ame la eqean la icasikeu, tre, 10 koi 15 menetr, thaa tro kö a sasaithe lai, nge troa ahopatren thupene la hna icasikeu hnene la ekalesia. Qëmekene tro epuni a nyipune la icasikeu, loi e troa atre asë hnene la itre trejin, la hnei angatr hna troa cainöj memin memine la hnë tro angatr a cainöj. Loi e troa nyipune la icasikeu hnene la thith.
4. Nemene la ka troa xatuane la itre trejin asë troa kepe thangane hnyawa qa ngöne la itre icasikeu göi cainöj trootro?
4 Ijije Hi Tro Nyipunieti a Ixatua: Tune lo itre icasikeu ne la ekalesia, easë a amamane la metrötre së koi Iehova me kowe la itre xan, hnene la hne së hna traqa ngöne la hawa hna sa. Hamë mekune jë ngöne la ijine icasikeu. Maine jë tro epuni a nue la atre xomiujine la icasikeu troa ce ami epuni memine la ketre trejine ka troa ce cainöj me epun, maine pena, tre, tro kö epuni a ketre iëne la itre hnei epuni hna troa kuca qëmekene la icasikeu. Maine epuni a ajan troa ketre iën la itre huliwa memine la itre hnei epuni hna troa cainöj memin, ngo loi e troa thele troa “atrun,” ene la troacainöj me itre xane fe, thaa ene hmekuje kö lo itre sipu enehmu së, ngo memine fe la nöjei trejine asë. (2 Kor. 6:11-13) E ase hë la icasikeu, the saze kö la itre hna amekötin, ngo canga jöeë pi kowe la itre götran hna athipe tro sa cainöje ngön.
5. Nemene la aliene la itre icasikeu göi cainöj ngöne itre hnalapa trootro?
5 Caasi hi la aliene la itre icasikeu, ene la itre icasikeu göi cainöje trootro memine lo itre xaa icasikeu ne la ekalesia. Hna hnëkëne itre ej matre tro sa “imekunekeune mate troa aciane la ihnimi me ite huliwa ka loi.” (Heb. 10:24, 25) Maine tro sa thele troa kepe thangane qa ngöne la itre icasikeu cili, tro ha xatua së troa xome hnyawa la huliwa ne cainöje së, ene lo ‘huliwa ka loi’!