Thupëne Hnyawa Kö La Mekune i Epun
1. Nemene la taane la asabele ne sirkoskripsio ne la macatre ne huliwa 2013, nge nemene la aliene la porogaram?
1 Hnei Iesu hna inine la itretre drei nyidrë troa hnimi Iehova cememine la hni, me u, me mekune ka pexej. (Mat. 22:37, 38) Ame la porogarame ne la asabele ne distrik, me sirkoskripsio, me ka ca drain, tre, hna eköthe matre nyine troa acatrenyi së, ene la atr e kuhu hni së. Ma mekune hi nyipunie lo taane la asabeke ne distrik kola hape “Thupëne Hnyawa Ju La Hni ö!” Ame la taane la asabele ka ketrepengön nge ka ca drai ne la macatre 2013, tre, “Thupëne Hnyawa Kö La Mekuthetheue Së.” Nge ame la itre asabele ne sirkoskripsio ka troa nyiqaane e treu ka troa xulu, tre, hna nyitaane ka hape “Thupëne Hnyawa Kö La Mekune i Epun,” hna nyi trepene hnene la xötre Mataio 22:37. Hna eköthe la porogarame ne ej nyine troa xatua së, easë isa ala cas, matre tro sa wange hnyawa la itre sipu mekune së göi troa amadrinë Iehova.
2. Nemene la itre hnyinge ngöne la asabele hne së hna troa thele troa sa?
2 Nemene La Itre Mekune Hna Troa Cile Fë: Ame la easa drenge hnyawa la asabele ne sirkoskripsio, loi e tro sa thele fe troa sa la itre hnyinge celë, ke itre eje hi a amamane la itre mekune ka tru:
• Nemene la nyine tro sa kuca matre tha tro kö sa xome la ‘aqane mekune i atr’?
• Tro sa xatuane tune kaa la itre atr matre troa fe la itre lue meke i angatr?
• Nemene la aqane waiewekë hne së hna thel?
• Nemene la itre manathith hna kapa qa ngöne la hna sipu sine thele hnyawa?
• Tro sa nue Iehova tune kaa troa wenë la itre mekune së?
• Nemene nyine kuca hnene la itre trahmanyi me föe, itre keme me thin, me itre nekönatr matre troa hetre madrine e hnine la fami?
• Tro sa hmeke tune kaa ngöne la drai Iehova?
• Nemene la aliene la kola hape, troa hnëkëne la itre mekune së thatraqane la huliwa?
• Nemene la itre manathithi hna kapa hnene la itre ka trongëne la itre hnei angatre hna inin.
3. Pine nemene matre nyipi ewekë tro sa sin asë la lue drai ne asabele, me drenge hnyawa, me trongëne la hne së hna inin?
3 Satana a isi memine la itre mekune së me thele troa angazone itre ej. (2 Kor. 11:3) Celë hi matre nyipi ewekë tro sa thele troa xomehnöthe la itre mekune së matre troa amadrinë Iehova. Nyipi ewekë tro sa catre xome la mekuna i Keriso me isi memine la itre iajojezi ne la fene celë. (1 Kor. 2:16) Haawe, epi tro sa canga hnëkë matre tro sa sine asë la asabele ne sirkoskripsio. Drenge hnyawa ju. E tro sa trongëne la itre ini hne së hna kapa, tro lai a xatua së troa hnëkëne la itre mekune së thatraqane la huliwa ne cainöjëne la Baselaia.—1 Pet. 1:13.