Itre Tulu Ne Porogaram Kowe La Itre Ka Pionie Lapa

Ame la troa xome la huliwa ne pionie lapa, tre, nyipiewekë troa eköthe hnyawa la ketre porogaram. Maine epuni a cainöj koi 18 lao hawa ngöne la wiik, ijiji hi tro epuni a hane pionie, nge hetre ijine mano. Maine jë tro epuni a triane la porogaram celë, pine laka epuni a wezipo maine kola ngazo la drai. Tro la tabolo celë a xatua epun, itre ka huliwa ngöne la sine la drai maine ngöne la drai ka pexej maine pena epun, itre ka wezipo me itre ka kucakuca. Maine jë troa ahmaloeëne la mele i epun, matre tro la ketre atrene la hnepe lapa i epuni a hane pionie ngöne la treu Semitrepa. Ijiji epuni troa ce ithanatane lai ngöne la hmi ne la hnepe lapa.