Ini Angatre Jë Troa Catre Nyihlue i Iehova

Kola amamane hnene la itre hna melëne laka, ame la itre trejine ka canga inine troa majemine cainöj nge ka catre xome la huliwa cili, tre, itre trejine lai ka maca. (Ed 22:6; Fi 3:16) Hane hi la itre aqane troa xatuane la hnainin, matre troa maca ngöne la huliwa ne cainöj:

• Loi e tro sa nyiqaane xatuane la hnainin ngöne la angeic a nyiqane cainöj. (km 8/15 1) Amamane jë koi angeice la enyipiewekëne la troa catre cainöj e nöjei wiik. (Fi 1:10) Ketre, loi e tro pala hi sa qaja aloine la teritoar. (Fi 4:8) Ithuecatre jë koi angeic troa ce cainöj memine la atre thupëne la gurup, maine itre xa trejine pena, matre troa kepe thangane qa ngöne la hnei angatre hna melën. —Ed 1:5; km 10/12 6 par. 3

  

• Maine ka xomi bapataiso hë la hnainin, the cile kö troa ithuecatre me xatua angeic troa kökötre ngöne la huliwa ne cainöj. Ketre, nyipiewekë catre troa afenesine la itusi “Ihnimi Akötresie”. —km 12/13 7

  

• Loi e troa ahmaloeëne la aqane nyiqaane ithanata së, ngöne la easa ce tro memine la ketre trejine ka xötrei cainöj. Ketre, olene jë koi angeic, thupene la angeic a ithanata memine la ketre atr. Loi e tro fe sa hamë itre xa mekun, matre troa xatua angeic troa maca.—km 5/10 7