Troa Kepe Thangane Qa Ngöne La Ini Tusi Së

ENYIPIEWEKËN: Jëne la hne së hna ini Tusi cas, easa “trotrohnine hnyawa la eisaisan, me eqean, me edraiën, me ejuine la nyipici.” (Efe. 3:18) Ketre, kola xatua së troa lapa pë ethan nyipine la fene ka ngazo, me “xolouthe catrëne la trengewekë ne mel.” (Fil. 2:15, 16) Ame la easa ini Tusi cas, easa iëne la itre hna hamëne hnei organizasio thatraqai së hmekuj. Nemene la nyine tro sa kuca matre troa kepe thangane qa ngöne la hna e me inine la Tusi Hmitrötr?

AQANE TROA KUCA:

• Ami hatrene jë, maine pena sija jë la Tusi Hmitrötr hnei epuni hna huliwan ngöne la ini Tusi epun, ngöne pepa maine ngöne tablet

• Ame ngöne la epuni a e Tusi Hmitrötr, isa hnyinge jë ka hape: ‘Drei? Nemen? Eu? Ekaa? Pine nemen? Tune kaa?’

• Loi e troa ithel. Huliwane jë la itre jia ne huliwa nyine ithel. Troa thele la ketre mekun, maine ketre xötre ne la Tusi Hmitrötr

• Mekun ajuine jë la hnei epuni hna e, matre troa xome la itre mekun thatraqane la mele i epun

• Trongëne jë la hnei epuni hna inin e nöjei drai.—Luka 6:47, 48

GOEËNE JË LA VIDEO HNA HAPE, TRO SA XOMI TRENGECATRE QA NGÖNE LA INI TUSI SË, THUPENE LAI, SA JË CAHU ITRE HNYING:

• Nemene la aqane qejepengöne itre xan la ini Tusi angatr?

• Pine nemene matre loi e tro sa pane thith qëmekene troa ini Tus?

• Nemene la ka xatua së troa trotrohnine hnyawane la ketre xötre ne la Tusi Hmitrötr?

• Nemene la itre aqane tro sa nyihatrene la Tusi Hmitrötre së?

• Pine nemene matre nyipiewekë tro sa mekun ajuine ngöne la easa ini Tus?

• Nemene la nyine tro sa kuca thupene la hne së hna inine la ketre mekun?