Tro Kö Epuni a Nue Traem Me Nue Trengecatr?

Tune la hna perofetan hnei Isaia, kola elë la etrune la itre hlue i Iehova e celë fen, nge tha hna tune kö ekö. (Isa 54:2) Haawe, nyipiewekë tro palahi a xupi Uma Ne Baselaia, me Uma Ne Asabele, me itre Bethela. Nge, tro fe a nyihnyawane la itre uma cili, me xup ahnyipixen itre xan. Celë hi ijine tro sa hane nue traem me trengecatr koi Iehova. Tro sa tune ka?

• Tro sa ixatua ngöne la kola nyidrawane la Uma Ne Baselaia hnene la gurup ne cainöje së

• Tro sa saen matre ini së la aqane troa nyihnyawane la Uma Ne Baselaia

• Tro sa nyialiene la pepa (DC-50) matre troa saen ngöne la kola xup maine nyihnyawane la itre Uma Ne Baselaia ngöne la teritoare së

• Tro sa nyialiene la pepa (A-19) matre troa huliwa, cas maine nyimu wiik ngöne la Bethela, maine ketre batima ne la Filial

GOEËNE JË LA VIDEO HNA HAPE, KOLO HMACA A XUPI UMA​—EXTRAIT, NGE SA JË CAHU ITRE HNYING:

• Nemene la aqane huliwane së la itre video qane lo 2014?

• Easë palahi a kuci video, matre nemene la hne së hna troa xup? Nge, ije macatre hne xupi la uma cili?

• Tro sa tune ka matre troa saen kowe la huliwa cili?

• Maine easa ajan troa saen kowe la huliwa ne xupi Uma e Ramapo, hnauëne laka, tro sa nyialiene la pepa DC-50 matre troa pane huliwa ngöne la teritoare së?

• Easa öhne tune ka laka, Iehova la ka iujine la huliwa cili?

• Tro sa sajuëne tune ka la huliwa cili, e tha ijiji së kö troa hane saen?