Tro Kö Eö a Pionie Ka Ixatua e Maac Me Eiperem?

Ajane kö eö troa akökötrene la huliwa i eö ngöne la ijine Drai Ne Amekunën? (2Ko 5:14, 15) Ame ngöne la treu Maac me Eiperem, ijije tro la itre ka xome la huliwa ne pionie ka ixatua a cainöj koi 30 maine 50 lao hawa. Maine ijiji eö hi troa xome la huliwa cili, sipone jë kowe la Komite Göi Huliwa ne la ekalesia. E nöjei treu, tro lai a thuemacane la ekalesia la ëjen la itre trejin hna kapa kowe la huliwa cili, matre tro la ekalesia a xatua angatr. Haawe, ngöne la lue treu cili, thele jëne jë troa tro fë hnyawa la maca, nge ithuecatrekeu jë.—1Th 5:11.