Hnei Iesu “Hna Inine Troa Idrengethenge”

Hnei Iesu pala hi hna drengethenge Iehova. (Ioa. 8:​29) Nga hnauëne la Tusi Hmitrötr a qaja ka hape: “Hnei nyidrë hna inine troa idrengethenge, jëne la itre ewekë hnei nyidrë hna melën”?​—Heb. 5:8.

Ame lo Iesu a celë fen, ka hnyipixe koi nyidrë la itre ewekë hnei nyidrë hna melën. Hna hetru nyidrë hnene la keme me thin ka hnimi Akötresie, ngo ka tha pexeje kö. (Luka 2:​51) Hna axösisi nyidrë hnene la itre he ne hmi ka iaö, me itre he ne nöj ka huliwa thoi. (Mat. 26:59; Mar. 15:15) Ketre, hnei nyidrë hna akötr qëmekene troa mec. Öni Tusi Hmitrötr, “hnei nyidrëti hna ipië me idrengethenge uti hë la mec.”​—Fil. 2:8.

Jëne la itre ewekë cili, hnei Iesu hna inine troa idrengethenge, ke pëkö la itre ewekë cili e hnengödrai. Matre ame enehila, ketre Joxu ka lolo Iesu, me Atre Huuj Ka Sisitria ka atreine trotrohni së. (Heb. 4:​15; 5:9) Hnei Iesu hna mele nyipici ngöne la itupath, matre tru catre hmaca kö la ihnimi Iehova koi Iesu. Ketre tun, tro Iehova a hnimi easë catr, me thue hnëqa së, e tro sa idrengethenge ngöne la itupath.​—Iako. 1:4.