“Hnimeju La Ange Tejin”

Ekö catre hë cinyihane caha trenge ewekë qaathei Akötresie, ma traqa koi lue thauzane hë lao macatre. (1 Pet. 2:17) Ame pe, kola mama enehila laka, nyipi ewekë catre tro sa trongëne la trepene meköti celë! Ngo tro sa hnime tune kaa la lapa ne la itre trejine e cailo? Nge nemene la ka troa xatua së matre, ngacama easa mele ngöne la fene ka pë ihnimin, ngo tha tro kö a nanazije la ihnimi së? (Mat. 24:12) Pane hane ju goeëne lo video hna hape, Toute la communauté des frères, matre xatua nyipunie troa sa cahu itre hnying.

(1) Eu la easa nyiqaane sine la lapa ne la ange trejin? (2) Nemene la köni huliwa ka tru hna kuca hnene la lapa ne la itre trejin asë e cailo? (3) Nemene la ka amamane ka hape, itre trejine me easë a catre cainöj (a) e Alaska, (b) me ngöne la itre hna xepe hnei he e Erop, me (c) ngöne la itre hnehnitr gaa tru e Peru? (4) Pine nemene matre tha tro kö sa wang acone la huliwa ne cainöj? (5) Qeje pengöne jë la hna kuca hnene la Itretre Anyipicin matre troa itö ixatua me iakeukawany (a) thupene la hna traqa la sa, me (b) wene, me (c) ngöne la ijine isi. (6) Nemene fe la itre xa nyine tro së asë a kuca, matre mama pi ka hape, hetrenyi the së la thiina ka nyi hatrene la lapa ne la ange trejin? (Ioane 13:35) (7) Nemene la eloine la tro sa ce xupe la sipu Uma Ne Baselaia së? (8) Nemene la hna kuca hnene la itre trejine me easë qa Russie me ngöne la itre xa nöje ahië ne Erop, matre lolo pala hi la aqane imelekeu i angatre me Iehova, ngacama hna wathebone la huliwa ne cainöje e cili? (9) Nemene la itre ewekë ka tru hna kuca hnene la Itretre Anyipicin matre tro angatr a sine la itre asabele, nge pine nemen? (10) Thupene la hnei nyipunieti hna goeëne la video celë, nemene la ka akökötrene thei nyipunieti la aja (a) troa traqa itronyi memine la itre trejine me nyipunie ngöne la hna icasikeu, matre troa ce hmi koi Iehova, (b) troa xatuane la itre xan ngöne la itre ijine angatr a aja ixatua, (c) troa kuca asë la hnei nyipunieti hna atrein, matre tro pala hi a catre cainöje ngöne la nöjei ijin? (11) Eue la ijine ka ijij, nge nemene la nyine tro sa kuca matre troa amamane la video celë ngöne la easa cainöj?

Ame la pane kepine matre easa sine la lapa i Keresiano, tre ene la ihnimi së koi Iehova. Hetre aja së troa inine troa atrepengö i Nyidrë, me hane qaja fe koi itre xane la pengö i Nyidrë. Nge ketre, easa hnime la itre hnei Iehova hna hnim. Ame la kola traqa koi angatre la itre ijine jole nge easa xatua angatr, tha easë kö kuca la ewekë cili matre tro Akötresieti a olene koi së. Easë pe a olene koi Akötresie me atrehmekune ka hape, ame la hetrenyi jë la lapa ne la itre Keresiano, tre hnei Nyidrë. Easenyi hë matre patre pi hë la fene ka pë ihnimin, ngo epi tro kö sa catre hnime la lapa ne la itre trejin!