Ihnim, Hatrene La Nyipi Keresiano—Isine Jë Së Tro Palahi a Cas

ENYIPIEWEKËN: Ame lo jidr qëmekene tro Iesu a mec, hnei nyidrëti hna thith matre, tro la itretre drei nyidrëti a ‘nyipi cas.’ (Ine 17:23.) Maine aja së troa cas, loi tro sa melëne la ihnim, ka “tha ate meku ngazo kö”​—1Ko 13:5.

AQANE TROA KUCA:

• Nyitipu Iehova jë, ene la troa thele la ka loi thei itre xan

• Troa inualoinekeun

• Maine ase hë iloi, the amexeje hmaca kö.​—Ed 17:9

GOEËNE JË LA VIDEO HNA HAPE, “LOI E TRO SA IHNIMIKEU”—THE MEKUNE LA NGAZO HNA KUCA KOI SË, THUPENE LAI, SA JË CAHU ITRE HNYING:

• Ngöne la pane götrane la video, nemene la aqane amamane Avae laka, angeic a lapa fë elëhni?

• Ame ngöne la hnaaluene götrane la video, nemene la aqane kuca Avae matre troa elë hun la itre mekun ka ngazo, me hetre aqane waiewekë ka loi?

• Nemene la aqane acatrene Avae la casi ne la ekalesia?