Watchtower ONLINE LIBRARY
Ita Ne Thup
ONLINE LIBRARY
Drehu
  • TUSI HMITRÖTR
  • ITRE ITUS
  • ITRE ICASIKEU
  • mwbr20 Eiperem götrane 1-4
  • Itre Itus Ka Nyitrepene La Mel Me Huliwa Ne Cainöj Pepa Nyine Huliwan

Aucune vidéo disponible pour cette sélection.

Désolé, il y a eu une erreur lors du chargement de la vidéo.

  • Itre Itus Ka Nyitrepene La Mel Me Huliwa Ne Cainöj Pepa Nyine Huliwan
  • Itre Itus Ka Nyitrepene La Mel Me Huliwa Ne Cainöj Pepa Nyine Huliwan—2020
  • Sous-titres
  • 13-19 EIPEREM
  • ITRE TRENGAMO QA HNINE LA TUSI HMITRÖTR | GENESE 31
  • “Iakobo Me Labana a Isisinyikeu Matre Tingeting”
  • it-1 943 ¶3
  • Galeed
  • it-2 1089-1090
  • Mizepa
  • Troa Sine Thel La Itre Mekune Ka Sisitria
  • it-2 1060
  • Idrola
  • 20-26 EIPEREM
  • ITRE TRENGAMO QA HNINE LA TUSI HMITRÖTR | GENESE 32-33
  • “Epuni Kö a Isine Troa Kepe Manathith?”
  • w03 15/8 25 ¶3
  • Epuni Kö a Thele Iehova?
  • it-1 356
  • Ka Peje Ca
  • it-1 1212
  • Isaraela
  • Troa Sine Thel La Itre Mekune Ka Sisitria
  • w10 15/6 22 ¶10-11
  • Ithanata Ka Lolo a Acatrene La Aqane Imelekeu Së
  • it-1 641
  • Akötresie, Akötresie Ne Isaraela
  • 27 EIPEREM–3 MEI
  • ITRE TRENGAMO QA HNINE LA TUSI HMITRÖTR | GENESE 34-35
  • “Ka Hetre Ethan Koi Së La Itre Sinatro Ka Ngazo”
  • w97 1/2 30 ¶4
  • Sekema—Traon Hnine La Hnathup
  • lvs 124 ¶14
  • “Kötrene Pi La Kuci Ngazo!”
  • w09 1/9 21 ¶1-2
  • Ngöne La Kola Akötrë Së
  • Troa Sine Thel La Itre Mekune Ka Sisitria
  • it-1 603
  • Debora
  • w17.12 14
  • Itre Hnyinge Ne La Itre Ka e
  • Ame thene la angetre Isaraela ekö, itre neköne haetra hmekuje hi la ka ijij troa xötrapane ne la Mesia?
Itre Itus Ka Nyitrepene La Mel Me Huliwa Ne Cainöj Pepa Nyine Huliwan—2020
mwbr20 Eiperem götrane 1-4

Itre Itus Ka Nyitrepene La Mel Me Huliwa Ne Cainöj Pepa Nyine Huliwan

13-19 EIPEREM

ITRE TRENGAMO QA HNINE LA TUSI HMITRÖTR | GENESE 31

“Iakobo Me Labana a Isisinyikeu Matre Tingeting”

it-1 943 ¶3

Galeed

Thupene la hnei Labana me Iakobo hna iwesitrë, hnei nyidroti hna iloi me acile la ketre isisinyikeu. Hnei Iakobo hna acile la ketre itra etë ka draië, me upe la “ite tejine me nyidë” troa acile fe la itre itra etë, ceitu me laulau. Ame hnei angatr hna xeni hune itre ej, matre troa anyipicine la hna isisinyikeu. Hnei Labana hna ati ëjene la götrane cili qene Suria ka hape, “Iegarasadutha,” ngo hnei Iakobo hna ati ëjene qene Heberu ka hape, “Galeed.” Öni Labana: “Ate anyipicine koi nyisho [Heb., ʽedh] la tra thithë celë [Heb., gal].” (Gen. 31:44-48) Ame la itra etë (memine la etë ka draië) tre, nyine hatrene kowe la itre atr ka öhne ej. Celë hi hna qaja hnene la xötre 49, kola hape, “Mizepa [Heb., mits·pahʹ]” a amamane laka, hnei Iakobo me Labana hna ce ithanatan, me axeciën laka, tha tro kö la lue lapa i nyidro a isi, ngo tro palahi a lapa tingeting. (Gen. 31:50-53) Ame e thupen, hna hane acili itra etë fe matre troa hetre nyine anyipicin.—Ios. 4:4-7; 24:25-27.

it-2 1089-1090

Mizepa

Hnei Iakobo hna acili itra etë me ati ëjene ka hape “Galeed” (maine “Ita Nyine Anyipicin”) me “Mizepa.” Thupene lai, öni Labana: “Loi e tro Iehova a lapa hmekëne [nyipi nyiso], e iananyi sho.” (Gen. 31:45-49) Jëne la itre itra etë, kola amamane laka, Iehova a goeë Iakobo me Labana, matre tro nyidro a eatrëne la hnei nyidro hna sisiny, ene la troa tingeting.

Troa Sine Thel La Itre Mekune Ka Sisitria

it-2 1060

Idrola

Hnene la itre ka inamacan (archéologues) hna ithel e Mesopotamia me itre nöje ezin. Kola mama laka, ame la ka trene idrola (teraphim), tre, angeice hi la ka troa kapa la edrö ne la hnepe lapa. Hna öhne la ketre tablet e Nuzi, nge kola amamane laka, maine hetrenyi la idrola thene la ifëtresi kem, ijiji angeic troa tro qëmekene la hnakootr matre troa kapa la itre ewekë i kem, e meci hë nyidrë. (Ancient Near Eastern Texts, edited by J. Pritchard, 1974, pp. 219, 220, me ftn 51) Maine jë, celë hi mekuna i Rakela ngöne la eahlo a xome la itre idrola ne la keme i eahlo, ke, tru catr la hnei nyidrë hna huliwa qene atrekënö koi Iakobo, föi eahlo. (Wange ju la Gen. 31:14-16.) Ka nyipiewekë catr la itre idrola (teraphim) göi troa kapa la edrö. Celë hi matre, hnei Labana hna thenge la itre trejin me nyidrë, me weje Iakobo, ngacama 7 hë lao drai ne tro pa angatr. (Gen. 31:19-30) Eje hi laka, thatre kö Iakobo la hna kuca hnei Rakela (Gen. 31:32), nge pëkö ka amamane laka, hnei Iakobo hna thele troa xome la itre idrola matre troa thapa la edrö ne la itre nekö i Labana. Tha aja i Iakobo kö la itre idrola. Ame hë e thupen, patre ju hi la itre idrola ngöne la kola xawane hnei Iakobo la itre idrola ne la lapa i angeic, me keleme itre ej fene la sinöe e Sekema.—Gen. 35:1-4.

20-26 EIPEREM

ITRE TRENGAMO QA HNINE LA TUSI HMITRÖTR | GENESE 32-33

“Epuni Kö a Isine Troa Kepe Manathith?”

w03 15/8 25 ¶3

Epuni Kö a Thele Iehova?

Ame ngöne la Tusi Hmitrötr, alanyimu catr la itre atr ka kuca asë la hnei angatr hna atrein matre troa thele Iehova. Ame la ketre e angatr, tre, Iakobo. Hnei angeic hna ikuië jidr ka pexej memine la ketre angela ka xome la pengöi atr. Celë hi matre, ati ëje i angeic jë ka hape, Isaraela (Ka ikuië me Akötresie) ke, hnei angeic hna “ikuië,” maine “isine,” me “catr” koi Akötresie. Hnene la angela hna amanathithi angeic pine la catre i angeic.—Genese 32:24-30.

it-1 356

Ka Peje Ca

Iakobo a tro pej. Ame lo Iakobo a 97 lao macatre, hnei angeic hna ikuië jidr ka pexej memine la ketre angela i Akötresie. Kösë hnei angeic hna hun, ke, hnei angeic hna lapa xome la angela, utihë la kola amanathithi angeic. Ame ngöne la nyidroti a ikuië, hnene la angela hna ketr la hna itö june nyipine la itrepë i angeic, matre hna fek. Qaane lo drai cili, hnei Iakobo hna tro pej. (Gen. 32:24-32; Hos. 12:2-4) Nge kola amekunë angeic laka, ngacama hnei ‘angeic hna qene joxu koi Akötesie [angela i Akötresie] me nöjei ate, nge catre angeic,’ ngo tha hnei angeice kö hna hune qëmekene la angela ka trene men. Hnei Iakobo hna ikuië memine la angela, ke, hnei Akötresie hna aijijë angeic troa cil qëmekene ej, matre troa amamane laka, aja i Iakobo troa kapa la manathith qaathei Nyidrë.

it-1 1212

Isaraela

1. Celë hi ëjen hna hamëne hnei Akötresie koi Iakobo lo angeic a 97 lao macatre. Hnei Iakobo hna ikuië memine la angela lo jidr angeic a thupa la hneopegejë ne Iaboka, matre troa itronyi me Esau, trejin me angeic. Pine laka, hnei Iakobo palahi hna cile catr ngöne la isi, hna saze la ëje i angeic koi Isaraela, ke, hna amanathithi angeic. Hnei Iakobo hna saze la ëjene la götrane cili ka hape, Peniela, matre tha tro kö a thëthëhmine la ijine cili. (Gen. 32:22-31; wange ju IAKOBO Na. 1.) Ame hë e thupen, e Bethela, hnei Akötresie hna kapa la ëje ka hnyipixe i Iakobo, nge utihë la angeic a mec, hna majemine hë angeic ka hape, Isaraela. (Gen. 35:10, 15; 50:2; 1 A. l. ite jo. 1:34) Ame e hnine la Tusi Hmitrötr, traqa koi 2 500 lao mama la ëje Isaraela, ngo kola qaja la nöj, lo itre matra i Iakobo.—Eso. 5:1, 2.

Troa Sine Thel La Itre Mekune Ka Sisitria

w10 15/6 22 ¶10-11

Ithanata Ka Lolo a Acatrene La Aqane Imelekeu Së

10 Maine tro palahi sa hetre ithanata ka loi, me atreine ifekeune la itre mekun, tro hë sa tingeting. Nge, e tro sa thel tro palahi a catr la aqane imelekeu së me itre xan, tro fe a lolo la aqane ithanata së koi ketre. Maine tro sa thel troa menyik koi itre xan, me kuca la itre ewekë koi angatr (ixatua, hamë ahnahna, ikep), ke, tro lai a aijijë së troa ifekeune la itre mekun. Ame e cili, easa “atë la itre wanalepe ka mel hune la he i angeic,” matre troa mama la itre thiina ka lolo thei angeic.—Rom. 12:20, 21.

11 Trotrohnine hnyawa hi lai hnei Iakobo. Ame lo angeic a thöth, hnei angeic hna kötr qëmekei Esau, fini me angeic. Wesitre catr Esau koi angeic, nge xou angeic wanga humuthi angeice pi. Thupene la itre macatre, hnei Iakobo hna bëeke hmaca. Esau a traqa troa itronyi me angeic, memine la ala 400 lao trahmany. Ame hnei Iakobo hna thithi koi Iehova, me sipo Nyidrë la ixatua, nge hnei angeic fe hna iupi fë öni nyine ahnahna koi Esau. Ame hna ketr la hni Esau hnene la itre ahnahna, matre menyike pi Esau me idrem me Iakobo.—Gen. 27:41-44; 32:6, 11, 13-15; 33:4, 10.

it-1 641

Akötresie, Akötresie Ne Isaraela

Thupene la hnei Iakobo hna iöhnyi memine la angela e Peniela, hna ati ëje i angeic ka hape, Isaraela. Nge thupene la hnei angeic hna iloi me Esau, hnei angeic hna lapa e Sukotha, nge thupene lai, e Sekema. Ame e cili, hnei angeic hna itöne la ketre hnepadro ne la itre nekö i Hamora, me acile la uma mano i angeic. (Gen. 32:24-30; 33:1-4, 17-19) “Ame hnei nyidëti hna trai ita ne huj, me ati ëjen’ eje El-eloe-isaraela,” maine “Akötresie, Akötresie Ne Isaraela.” (Gen. 33:20) Hnei Iakobo hna ce xome la ëje i angeic ka hnyipixe, ene Isaraela, memine la ëjene la ita ne huuj. Angeic hi lai a amamane laka, angeic a kapa la ëje i angeic ka hnyipixe, memine la ixatua i Akötresie, Akötresie ka abëekë angeic kowe la Nöje Hna Thingehnaean. Aca mama hi la hnëewekë celë e hnine la Tusi Hmitrötr.

27 EIPEREM–3 MEI

ITRE TRENGAMO QA HNINE LA TUSI HMITRÖTR | GENESE 34-35

“Ka Hetre Ethan Koi Së La Itre Sinatro Ka Ngazo”

w97 1/2 30 ¶4

Sekema—Traon Hnine La Hnathup

Nemene la itre mekuna ne la itre nekö trahmany, la angatr a öhne la nekö jajiny ka majemine traqa cas ngöne la traon? Hnene la neköne la ketre joxu ne la nöj hna “öhnyi angeice . . . [me] xomi nyëne me nyi wë nyën, me angazo nyën.” Pine nemene matre Dina a tro troa wang la angetre Kanana? Atre hi angeic laka, troa hetre ethan. Maine jë, aja i angeic troa ce elo memine la itre jajinyi ka ce xötr me angeic. Maine pena, ketre ka catre he, me ka pi sipu mus, tune la itre xaa trejin me angeic. E jë la tusi Genese, nge pane mekune jë la etrune la akötre i Iakobo me Lea, me hmahma ka ej thei nyidro thupene la ewekë ka traqa koi Dina. Pine nemen? Hnei angeic hna majemine tro Sekema eë.—Genese 34:1-31; 49:5-7; wange ju fe la Ita Ne Thup ne 15 June 1985, götrane 31.

lvs 124 ¶14

“Kötrene Pi La Kuci Ngazo!”

14 Ame koi Sekema, tha ka ngazo kö la hnei angeic hna kuca koi Dina, pengöne hi la atr. Pine laka, angeic a aja Dina, “hnei angeice hna xomi nyëne me nyi wë nyën, me angazo nyën.” (E jë la Genese 34:1-4.) Ketre ngazo ka tru la hnei Sekema hna kuca. Celë hi matre, hna traqa koi Dina me hnepe lapa i angeic la itre akötr ka tru.—Genese 34:7, 25-31; Galatia 6:7, 8.

w09 1/9 21 ¶1-2

Ngöne La Kola Akötrë Së

Ame la kola akötrë së hnei ketre, easa thel troa itëkeun. Önine la Tusi Hmitrötr, ame ngöne la kola dreng hnene la itre nekö i Iakobo laka, hnei Sekema, atre Kanana, hna angazonyi Dina, xa i angatr, hna “aköte la ite hni angat, nge atraqate la elëhni angate.” (Genese 34:1-7) Tha madrine kö angatr la ewekë hna kuca kowe la xa i angatr, matre hnene la lue nekö i Iakobo hna thele troa humuthi Sekema me hnepe lapa i angeic. Hnei Simeona me Levi hna iaö angatr, me lö hnine la traon e Kanana me humuth asë la hnënge trahmany, uti fe hë Sekema.—Genese 34:13-27.

Hapeu, hnene kö la ihumuth hna apatrene la jol? Ame la Iakobo a atre la hna kuca hnene la itre nekö i nyidrë, öni nyidrë: “Hna agomegömë ni hnei nyipo me asisi ni koi angete kë zin, . . . nge tro angat’ a icasikeu koi ni me humuthi ni ; nge troa pate ni memine la lapang.” (Genese 34:30) Tha hnene kö la huliwa i angatr hna nyinyine la jol, kolo jë pe a jole catre hmaca kö. Nyipiewekë tro Iakobo me hnepe lapa i nyidrë a hmekëne la itre isi qaathene la itre nöje ka lapa ezi angatr. Celë hi matre, hnei Akötresie hna upi Iakobo troa feke a tro Bethela memine la hnepe lapa angeic.—Genese 35:1, 5.

Troa Sine Thel La Itre Mekune Ka Sisitria

it-1 603

Debora

1. Atre hia Rebeka. Ame lo Rebeka a trotrij la hnalapa i Bethuela, keme i eahlo matre troa feke a tro Palestine troa föi Isaaka, hnei Debora hna ce tro me eahlo. (Gen. 24:59) Thupene la itre macatre ne huliwa ngöne la hnalapa i Isaaka, hnei Debora hna huliwa ngöne la hnalapa i Iakobo, thupene la meci Rebeka. Thupene la 125 lao macatre ne faipoipo Rebeka me Isaaka, hna meci hnei Debora, nge hna kelemi eahlo fene la ketre sinöe ka tru e Bethela. Ame la ëje hna hamëne kowe la sinöe cili (Alona-bakota, kola hape, “Sinöe Atraqatr Hnë Treij”) tre, kola amamane la etrune la ihnimi Iakobo me hnepe lapa i angeic koi eahlo.—Gen. 35:8.

w17.12 14

Itre Hnyinge Ne La Itre Ka e

Ame thene la angetre Isaraela ekö, itre neköne haetra hmekuje hi la ka ijij troa xötrapane ne la Mesia?

Celë hi mekuna i easë ekö, ke, kösë ka ihmeku memine la hna qaja ngöne Heberu 12:16. Önine la xötr, Esau la “atre wangesixane la itre ewekë ka hmitrötr” nge “atre nuetrij la edrö ne haetra [koi Iakobo] göi ca trepe xen.” Kösë kola qaja ka hape, hnei Iakobo hna kapa la “edrö ne haetra,” matre ijiji angeice hë troa hane xötrapane ne la Mesia.—Mat. 1:2, 16; Luka 3:23, 34.

Ngo, kola mama ngöne la itre xaa xötre ne la Tusi Hmitrötr laka, tha nyipiewekë kö troa neköne haetra, matre troa xötrapane ne la Mesia. Hanawange la itre xaa ceitun:

Ame la pane nekönatr hnei Iakobo (Isaraela) hna hnaho me Lea, tre, Reubena. Nge ame e thupen, hnei Rakela hna hnahone la pane nekö i eahlo me Iakobo, ene Iosefa. Pine laka, hnei Reubena hna kuca la ewekë ka ngazo, hna xome qaathei angeic la edrö ne nekön haetra me hamën koi Iosefa. (Gen. 29:31-35; 30:22-25; 35:22-26; 49:22-26; 1 A. l. ite jo. 5:1, 2) Ngo, tha fetra kö la Mesia qaathei Reubena me Iosefa. Hnene la Mesia hna fetra qaathei Iudra, lo hnaakönine nekö i Iakobo me Lea.—Gen. 49:10.

    Itre Itus Qene Drehu (1997-2025)
    Tha Connecter
    Connecter
    • Drehu
    • Iupi fë
    • Hna ajan
    • Copyright © 2025 Watch Tower Bible and Tract Society of Pennsylvania
    • Itre Hna Amekötin
    • Pengöne La Ka Thele Ithuemacany
    • Hna amekötin
    • JW.ORG
    • Connecter
    Iupi fë