Asitɔtrɔ Le Kwasiɖa Domedome Kpekpea Ŋu

Tso September 3 ƒe kwasiɖaa me la, womagawɔ Hame Ƒe Biblia Nusɔsrɔ̃a miniti 25 o, ke anye miniti 30. Ele be nusɔsrɔ̃dzikpɔlaa nazã miniti ɖeka atsɔ adzro nu si wosrɔ̃ va yi la me le eƒe ŋgɔdonyaa me. Woaɖe Subɔsubɔ Kpekpea hã ƒe game dzi kpɔtɔ tso miniti 35 ava miniti 30. Womagaɖo ɣeyiɣi ɖi na gbeƒãɖeɖewo etɔxɛ azɔ o. Ke boŋ woatsɔ gbeƒãɖeɖe ɖe sia ɖe akpe ɖe ame si awɔ akpa gbãtɔa le ɖoɖowɔɖia dzi la ƒe dɔdeasia ŋu. Zi geɖe la, gbeƒãɖeɖe ʋɛ aɖewo ko wòle be woawɔ, ne eva hiã kura gɔ̃ hãe nye ema, eye mehiã be woaƒo nu tso dɔdeasi siwo woawɔ le kpekpea me la ŋu o. Mele be woawɔ gbeƒãɖeɖe aɖeke ku ɖe gbeadziyiyi, akpata me dzadzraɖo kple gbedonamewo ŋu o. (Kpɔ km 10/08 axa 1, mm. 4) Ne ahiã be woaɖe gbeƒã legbee aɖe la, aɖe vi ŋutɔ ne ame siwo awɔ dɔ le kpekpea me la nya do ŋgɔ ale be woagblẽ woƒe ɣeyiɣi aɖewo ɖi hena esia wɔwɔ.