Míate Ŋu Ana Creator-gbalẽ Laa?

Mí kata míekpɔ dzidzɔ le nutome gã takpekpeawo me esi míexɔ agbalẽ si nye Is There a Creator Who Cares About You? Enye agbalẽ si ŋu wotrɔ asi le etɔxɛe na amesiwo togbɔ be wosrɔ̃ nu geɖe le xexeame hã la, womexɔ Mawu dzi se o. Agbalẽ sia kpɔ hiahiã aɖe si le dzidzim ɖe edzi la gbɔ.

Esɔ be míezãa agbalẽ si anyɔ ame geɖe ƒe ɖetsɔleme le dzinu sia dzinu ƒe agbalẽnunana me. Ðe esia fia be mele be míana Creator-gbalẽa oa? Menye nenema kura o! Le ƒea ƒe ɣeyiɣi ɖesiaɖe me la, míate ŋu ana agbalẽ sia amesiwo mexɔ Mawu dzi se o siwo ɖewohĩ agbalẽa aɖe vi na. Míate ŋu ana ɖe amesiwo xɔ Mawu dzi se gake womenya amesi wònye alo nusi eƒe nɔnɔmewo kple tameɖoɖowo nye o hã. Eyata míele dzi dem ƒo na wò be ɖeka nanɔ wò akplo me eye nànɔ klalo be yeatsɔe ana amesiame si nèbu be exexlẽ adzɔ dzi na.