Ŋkeke Ðeka Takpekpe Tɔxɛ Ƒe Numetoto

Míazã nyati sia atsɔ adzra ɖo ɖe ƒe 2005 subɔsubɔƒea ƒe ŋkeke ɖeka takpekpe tɔxɛa ŋu eye emegbe míagazãe atsɔ ato emee. Nyati si nye “Ðoɖo Yeye Hena Takpekpe Suewo me Nyawo me Dzodzro,” si dze le August 2004 ƒe emedegbalẽvia ƒe axa 4 lia, ɖe alesi woawɔ esiae me. Le numetotoa wɔɣi la, ma ɣeyiɣia ɖe nyabiaseawo katã nu. Ele be numetotoa naku ɖe alesi míate ŋu awɔ nya siwo míese la ŋudɔe ŋu koŋ.

ŊDI

1. Nukatae wòhiã vevie be míaɖo to Yehowa fifia wu? Nukae wòfia be woaɖo to? (Nuƒo si nye, “Nusitae Nàɖo To Yehowa ƒe Gbe”)

2. Aleke gbɔgbɔmedɔwo ƒe ɖoɖowɔɖi nyui si dzi wozɔna ɖo ate ŋu anɔ ƒomewo sie? (“Ƒome Siwo Léa To Ðe Mawu ƒe Nya Ŋu Susuhenuwo Manɔmee”)

3. Aleke nutome suea me tɔwo wɔa mɔnukpɔkpɔwo ŋudɔ tsɔ ɖia vomeɖasee? (“Miwɔ Nuwo Katã Hena Mawu ƒe Kafukafu”)

4. Nukawoe míate ŋu asrɔ̃ tso nuxlɔ̃amekpɔɖeŋu si dze le Hebritɔwo ta 3 kple ta 4 me? Aleke Yehowa ƒoa nu na mí egbeae? (“Toɖoɖo Ne Mawu Le Nu Ƒom Nyea Takpɔkpɔ Na Mí”)

5. Aleke nyɔnyrɔxɔxɔnuƒoa ɖe vi na wòe? (“Adzɔgbeɖeɖe Kple Nyɔnyrɔxɔxɔ”)

ŊDƆ

6. Nukae míate ŋu asrɔ̃ tso Yesu ŋu le eƒe sɔhɛmenɔɣi, eye aleke sɔhɛ siwo le nutome suea me le eƒe kpɔɖeŋua srɔ̃mee? (“Alesi Toɖoɖo Mawu ƒe Nya la Nyuie Doa Ŋusẽ Míaƒe Sɔhɛwoe”)

7. Mɔ siwo nu dzilawo ate ŋu adze Yehowa ƒe nufiamewo tsɔtsɔ na hehe woƒe vidzĩwo kple wo vi suewo le la dometɔ aɖewo ɖe? (“Ðevi Sue Siwo Ðoa To Mawu eye Wosrɔ̃a Nu”)

8. Mɔ vevi siwo nu wòhiã le be míaɖo to Yehowa, Via, kple “dɔla nuteƒewɔla kple aɖaŋudzela” dometɔ aɖewo ɖe? (Mat. 24:45) Nukatae wòle vevie be míawɔe nenema? (“Lé To Ðe Mawu ƒe Nufiamewo Ŋu Ɣesiaɣi”)