Ŋkeke Ðeka Takpekpe Tɔxɛ Ƒe Numetoto

Míazã nyati sia le Subɔsubɔ Kpekpe ƒe ɖoɖowɔɖiwo me hafi hamea nade ƒe 2006 subɔsubɔƒea ƒe ŋkeke ɖeka takpekpe tɔxɛa kpakple le edede vɔ megbe kpuie. Dzikpɔla zimenɔla awɔ ɖoɖo ɖe numedzodzro si miawɔ do ŋgɔ kple emegbe ŋu, abe alesi wona eŋuti mɔfiame le Míaƒe Fiaɖuƒe Subɔsubɔdɔ, August 2004, ƒe axa 4 lia ene. Le numetotoa wɔɣi la, ele be woabia nyabiaseawo katã, eye woahe susu ayi alesi míatsɔ nufiame siwo míexɔ awɔ dɔe dzi.

ŊDI

1. Nukae wòfia be woana ame ƒe ŋku dzi nadza, eye nukatae wònye nu sesẽ egbea? (“Nukata Wòle Be Nàna Wò Ŋku Dzi Nadza?”)

2. Aleke wòɖea vi na míi ne míena míaƒe ŋku dzi dza? (“Àkpɔ Yayrawo ne Èna Wò Ŋku Dzi Dza”)

3. Kuxi kae nuwɔna geɖe siwo ŋu wogblɔna le be naneke megblẽ le o hena vɛ? (“Na Wò Ŋku Dzi Nadza le Xexe Vɔ̃ɖi sia Me”)

ŊDƆ

4. Aleke dzilawo kple ame bubuwo ate ŋu ade dzi ƒo na sɔhɛ Kristotɔwo be woati gbɔgbɔmetaɖodzinuwo yome? (“Dzila Siwo Daa Woƒe Aŋutrɔwo Nyuie” kple “Sɔhɛ Siwo Ðoa Gbɔgbɔmetaɖodzinuwo Gbɔ”)

5. Aleke míate ŋu azɔ le akasa nu kple Yehowa ƒe habɔbɔa ayi ŋgɔ (a) abe ame ɖekaɖekawo ene? (b) abe ƒomewo ene? (d) abe hamewo ene? (“Ðoe Kplikpaa be Yeazɔ le Akasa Nu Kple Yehowa ƒe Habɔbɔa”)